कल्याण राई हत्याकान्डमाथि विष्टको पत्र गोलेलाई

दार्जीलिङका सांसद राजु विष्टले सिक्किमका मुख्यमन्त्री प्रेम सिंह तामाङलाई पत्र लेखेर कल्याण राई हत्या प्रकरणको स्वतन्त्र र निष्पक्ष अनुसन्धानको माग गरेका छन्। उनले मृतक कल्याण राईको परिवारलाई क्षतिपूर्ति उपलब्ध गराउन पनि मुख्यमन्त्री पीएस गोलेलाई आग्रह गरेका छन्। सांसद विष्टले पत्रमा लेखेका छन् स्वर्गीय कल्याण राई आर्थिक रूपमा कमजोर परिवारका थिए जो आफ्नो परिवार चलाउन मात्र काम गर्थे। अब उनको मृत्युपछि उनको परिवारले सिक्किम सरकारबाट क्षतिपूर्ति पाउनुपर्ने बताएका छन्।
सांसद राजु विष्टले कल्याण राईको हत्याको घटनाप्रति पनि मुख्यमन्त्रीको ध्यानाकर्षण गराउँदै पत्रमा लेखेका छन् हत्याराले आत्मरक्षाको लागि हत्या गरेको बताए पनि कल्याण राईको शरीरमा भेटिएका १०-११ चक्कुका निशानहरूले गम्भीर प्रश्न उठाएको बताएका छन्।