बीटीएचएस कौस्तुभ जयन्ती आयोजक समितिको सभा

टिस्टा-पेशोक,13 जुलाई (निसं):टिस्टा ब्रिज उच्च माध्यामिक विद्यालयले 75 वर्ष पूरा गरेको अवसरलाई यस वर्ष कौस्तुभ जयन्तीलाई पर्वको रुपमा पालन गरिने तयारी गरिरहेको छ् भने यस बिशेष अवसरलाई अझ आकर्षक बनाउन टीबीएचएस अल्मुनाई संगठनले पनि जोरतोरले तयारी गरिरहेको जानकारी  सचिव सन्तोष प्रधानले दिएका छन्।जानकारी अनुसार, विशेष आगामी 8 अगस्तको दिन खुल्ला म्याराथन दौड्को आयोजनालाई लिएर संगठनका कार्यकारी समिति एवं सल्लाहकारलाई लिएर सभा बस्यो। संगठन सभापति किशोर कुमार प्रधानको अध्यक्षतामा सम्पन्न सभामा सचिव सन्तोष प्रधानले सभाको विषय बस्तु पेश गरे।विशेष गरेर अल्यूम्नाई संगठनको कार्य सुचारु ढंगमा संचालन हेतु वर्किङ प्रेसिडेन्ट-को पदमा यौवन थापालाई चयन गरियो भने उपाध्यक्षको पदमा देव कुमार छेत्री (बडा मंगवा)-लाई चयन गरियो। सहकोषाध्यक्षको रुपमा नन्द कुमार छेत्री, सहसचिव शरण छेत्री आदिलाई आजको सभाले सर्वसम्मति द्वारा चयन गरियो। सभामा आगामी 8 अगस्त दिन सम्पन्न हुने म्याराथन दौड्मा खुल्ला पुरुष वर्गको पाँच किलो मिटर अनि दस किलो मिटर म्याराथन दौड साथै विद्यार्थीको(छात्र-छात्राहरु) निम्ति पनि पाँच अनि दस किलो मिटर राखिएको आजको सभाले प्रस्ताव ग्रहण गर्‍यो। उक्त दिनको निम्ति के कस्ता चाँजो गरिनु पर्ने भन्ने बारे गहन चर्चा पनि गरिएको थियो।  सभामा संगठनका आजीवन सदस्यको निम्ति  पेशोक, बडा मंगवा, तक्लिङ, सोरेङ, चेग्रा, मल्ली, किर्ने, रम्बी आदि क्षेत्रहरुमा प्रतिनिधि एवं संयोजकहरु चयन गरेर दायित्व सुम्पिएयो कोषाध्यक्ष द्वारा कहाँ बाट अनि कता संग्रह गरियो अनि खर्च गरियो भन्ने बारे फाँट्वारी पेश गरियो। आगामी 8 अगष्टको उक्त म्याराथनलाई सफल पार्न सबैले दिलो ज्यानले खटेर सहयोग पुर्‍याउने उपस्थित सदस्यहरुले सभामा प्रतिवद्धता दर्शाएको सचिव सन्तोष प्रधानले दिएका छन्।