दार्जीलिङका लोकसभा सांसद एवं भारतीय जनता पार्टीका राष्ट्रीय प्रवक्ता, राजु बिष्ट आज, माननीय मन्त्री अग्निमित्र पलसँग अम्रुत 2.0 योजनाअन्तर्गत केन्द्रीय सरकारको अनुदानमा सिञ्चेल नर्थ र साउथ लेकमा चलिरहेको जीर्णोद्धार कार्यको निरीक्षण गर्नका लागि गएका थिए।लगभग २,४८७ मीटरको उँचाईमा स्थित नर्थ सिञ्चेल लेकमा सिञ्चेल वन्यजीव अभयारण्यको निर्माण सन् 1910 मा अनि साउथ सिञ्चेल लेकको निर्माण 1932 मा भएको थियो। यी लेकहरू समग्र दार्जीलिङ नगरपालिकाका लागि पिउने पानीको प्राथमिक स्रोत रहिआएका छन्। गुराँस, अर्खौलो (ओक), चाँप, कटुस, काउलो अनि धूपीका घना वन क्षेत्रले घेरिएका यी लेकहरू दार्जीलिङको नैसर्गिक सुन्दरताका प्रतीक हुन्।दशकौँदेखि, यी महत्त्वपूर्ण जलाशयहरूमा कुनै प्रमुख रखरखाउ कार्य भएको छैन। माननीय प्रधानमन्त्री श्री नरेन्द्र मोदीको दूरदर्शी नेतृत्वअन्तर्गत केन्द्रीय सरकारले सिञ्चेल लेक जीर्णोद्धार एवम् विकास परियोजनाका लागि ₹६० करोड़को मञ्जूरी दिएको छ। यसमा नर्थ र साउथ लेकहरूको बृहत जीर्णोद्धार कार्य, अनि जल भण्डारण क्षमतालाई बढ़ाउनका लागि नयाँ जलाशयको निर्माण समावेश छन्। यो कार्य सम्पन्न भएपछि, यी लेकहरूबाट दार्जीलिङका लागि भरपर्दो, स्वच्छ, अनि पर्याप्त पिउने पानीको आपूर्ति सुनिश्चित हुनेछ। विष्टले, माननीय मुख्यमन्त्री श्री सुवेन्दु अधिकारीलाई दार्जीलिङका जनता निम्ति यस परियोजनालाई साकार रूप प्रदान गर्ने काममा उहाँले दिनुभएको निरन्तर सहायता अनि मार्ग-निर्देशनका लागि हार्दिक धन्यवाद टक्र्याएका छन्।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
मार्च 10, 2026
