पश्चिम बंगालकी मुख्यमन्त्री ममता ब्यानर्जीले बंगाल सरकारको सहमतिबिना कसरी इन्टरलोक्युटर नियुक्त गरे ? प्रश्न गर्दै प्रधानमन्त्रीलाई एक पत्र लेखेकी थिइन् त्यसै अनुसार भाई टिकाको लगत्तै भोलिपल्ट केन्द्रमा रहेको भाजपा सरकारले गोर्खा समस्याहरुलाई समाधान गर्न हेतु नियुक्त गरेको इन्टरलोक्युटरमाथि पुनविचार गर्ने भन्ने कुरा अघि आएको छ। प्रधानमन्त्री नरेन्द्र मोदीले उक्त कुरा गृहमन्त्रीसङ्ग साझा गरेका कुरा आज अखबारमा छापिएको छ। यसै कुरामाथि इण्डियन गोर्खा जनशक्ति फ्रण्टका प्रमुख अजय एडवर्ड्सले भने “यो केन्द्रमा रहेको भाजपा सरकार अनि पहाडमा रहेको उनको गठबन्धन दलहरुको कमजोरी हो।” उनले थपे “म मुख्यमन्त्रीलाई पनि भन्न चाहन्छु कि यो जीटीए सटिक तरिकाले संचालन भएको छैन। यहाँ धेरै भ्रष्टाचार अनि धाँधलीहरू भइरहेछ। जनसम्पत्तिहरू बेचिरहेका छन् यसैकारण हामी जीटीएमा खुसी छैनौं अनि तपाईले पनि बिगतको दिनहरूमा पीपीएस म दिन्छु भन्नु भएको थियोे। त्यसर्थ यो इन्टरलोक्युटरको विषय चाँडै समाधान होस् किनकि तिहारअघि एउटा कुरा अनि तिहारपछि अर्कै कुरा राम्रो होइन।”
