विश्व वातावरण दिवस २०२६ को अवसरमा असमको तिनसुकिया जिल्लास्थित जागुनमा असम राइफल्सले वृक्षारोपण कार्यक्रम आयोजना गरेको छ। वातावरणीय चेतना अभिवृद्धि गर्दै प्रकृति संरक्षणप्रति स्थानीय समुदायलाई प्रेरित गर्ने उद्देश्यले उक्त कार्यक्रम सञ्चालन गरिएको हो।कार्यक्रममा असम राइफल्सका जवानहरू, स्थानीय बासिन्दा, जागुन साहित्य सभा, क्षेत्रीय वन विभागका प्रतिनिधिहरू तथा विद्यालयका विद्यार्थीहरूको सक्रिय सहभागिता रहेको थियो। कार्यक्रममा जम्मा १६० जनाले उत्साहपूर्वक भाग लिएका थिए। यस अवसरमा विश्व वातावरण दिवस २०२६ को विषयवस्तु “Inspired by Nature. For Climate. For Our Future.” लाई केन्द्रमा राखेर विद्यार्थीहरूका लागि निबन्ध लेखन प्रतियोगिता पनि आयोजना गरिएको थियो। कार्यक्रममार्फत वातावरण संरक्षण, पारिस्थितिक सन्तुलन कायम राख्ने आवश्यकता तथा हरित वातावरण निर्माणको महत्वबारे जनचेतना फैलाइएको थियो। स्थानीयवासीहरूले असम राइफल्सको यस पहलको प्रशंसा गर्दै हरित तथा स्वस्थ वातावरण निर्माणमा यस्ता कार्यक्रमहरू प्रभावकारी हुने बताएका छन्। साथै, भावी पुस्ताका लागि प्रकृतिको संरक्षण गर्नु सम्पूर्ण समाजको साझा जिम्मेवारी रहेको सन्देश पनि कार्यक्रममार्फत प्रवाह गरिएको थियो।असम राइफल्सले नागरिक–सैन्य सम्बन्धलाई अझ सुदृढ बनाउने तथा क्षेत्रको दिगो विकासमा योगदान पुर्याउने उद्देश्यले यस्ता सामुदायिक कार्यक्रमहरू निरन्तर सञ्चालन गर्दै आएको जनाएको छ।
