खरसाङ, 2 जुलाई (निसं)ः खरसाङ र मिरिक नगरपालिकामा झट्टै चुनाव गराउने मांगमा भारतीय जनता पार्टीले खरसाङ बजारमा पोष्टरिङ गर्नुको साथै खरसाङ महकुमा शासकलाई ज्ञापन पनि बुझाएको छ। विगत 2017 मा चुनाव भएपछि 2022 मा चुनाव हुनु पर्ने तर विगत तीन वर्षदेखि खरसाङ नगरपालिकामा चुनाव नभएको भन्दै झट्टै चुनाव गराउनु पर्ने मांगमा भारतीय जनता पार्टीले खरसाङ बजारको विभिन्न स्थानहरुमा पोष्टरिङ गरेको छ। यसको साथै भारतीय जनता पार्टीको तर्फबाट खरसाङ र मिरिक नगरपालिकामा झट्टै चुनाव गराउने मांगमा खरसाङ महकुमा शासकमार्फत् दार्जीलिङ जिल्ला शासकलाई ज्ञापन पत्र बुझाइएको छ। उक्त पोष्टरिङ र ज्ञापन पत्र बुझाउने टोलीमा भारतीय जनता पार्टी दार्जीलिङ जिल्ला सचिव सोनाम लामा, खरसाङ विधानसभा समष्टि संयोजक आरबी लामा, भाजपा युवा शक्तिका जिल्ला सचिव बिनय प्रसाद, दार्जीलिङ जिल्ला मिडिया प्रभारी चन्दन प्रसाद, पञ्चायत समिति सदस्या एंव खरसाङ गिध्द पहाड मण्डल सभापति दिक्षा तामाङ लगायत अन्यहरु सामेल रहेका थिए। भारतीय जनता पार्टीले खरसाङमा पोष्टरिङ र ज्ञापन पत्रमार्फत खरसाङ र मिरिक नगरपालिकामा झट्टै चुनाव गराउने मांग गरेका छन्। यस विषयमा पत्रकारहरुसित कुराकानी गर्दै भारतीय जनता पार्टीको दार्जीलिङ जिल्ला सचिव सोनाम लामा र युवा मोर्चा दार्जीलिङ जिल्ला सचिव बिनय प्रसादले विस्तृत रुपमा जानकारी गराएका छन्। दुवैले खरसाङ नगरपालिकाको चुनाव 2022 मा नै हुनु पर्ने तर अहिलेसम्म नभएको भन्दै झट्टै चुनाव गराउने अनुरोध गरेका छन्। दुवैले उच्च न्यायलयले चुनाव गराउने निर्देशन दिए पनि अहिलेसम्म चुनाव नभएको कारणले धेरै समस्या हुने भएकोले झट्टै चुनाव गराउने अनुरोध गरेका छन्।
