दार्जीलिङ, 28 जुलाई(निसं): अरुको प्राण बेचेर सम्झौतामा जानेहरुको क्रामाकपाले कडा शब्दमा निन्दा गर्ने बताएको छ। गठन कालयता गोर्खाल्याण्डको मूल मुद्दाबाट एक इञ्च पछि नसर्ने क्रामाकपाले यो मागको दावीमा लगातार कार्यक्रम गरिएको सुनील राईको भनाइ छ।27 जुलाई पालन गरिने गोर्खाल्याणड शहीद दिवसको महत्व छुट्टै बताउँदै उनले यसबारे कुनै किसिमको वैमनस्यता नहुने प्रष्ट गराएका छन्। यसबीच 39औं गोर्खाल्याण्ड शहीद दिवसको अवसरमा आज आइतबार क्रान्तिकारी मार्क्सवादी कम्युनिष्ट पार्टी (क्रामाकपा)-द्वारा श्रद्धाञ्जली सभा आयोजना गरियो। दार्जीलिङ रेलवे स्टेशनबाट शुरु गरेर चोक बजारमा समापन गरिएको रैलीपछि शुरु गरिएको जनसभालाई दलीय महासचिव नर्बु लामाले अध्क्षयता गरेका थिए।
