गोक, 4 जुलाई (निसं ): गोक क्षेत्रको पुरानो विद्यालय गोक जुनियर बेसिक स्कूलका विद्यार्थीहरूलाई युनिफर्म वितरण गरियो। बिहीबार विद्यार्थीहरूको पहिलो परीक्षाको परिणाम-पत्र वितरणसँगै युनिफर्म पनि वितरण गरियो। यसदिन उपस्थिति कमिटीका सभापति आई के घिसिङको अध्यक्षतामा सम्पन्न सभामा अभिभावकहरू पनि उपस्थित थिए। उक्त युनिफर्म भागोप्रमो पुल- बिजनबारी समष्टिका सभासद भूपेन्द्र छेत्रीले प्रदान गरेको प्रधान अध्यापक दीपक राईले जानकारी दिए। युनिफर्म मात्र नभएर नानीहरूलाई यस सत्रको अङ्ग्रेजी माध्यमको किताबहरू पनि उनले प्रदान गरेको राईले जानकारी दिंदै सभासद प्रति आभार प्रकट गरे। गोक जुनियर बेसिक स्कूलमा धेरै खटिखाने किसानहरूका छोरा छोरीहरू अध्ययनरत छन् भने स्कूल अनि विद्यार्थीहरूको प्रगति र प्रोत्साहनको निम्ति सभासद छेत्रीले सहयोग पु-याएको सहा शिक्षकद्वय रमेश लिम्बु र कुमार शर्माले पनि बताए। उपस्थिति कमिटीका अध्यक्ष आई के घिसिङले पनि सभासद भूपेन्द्र छेत्री प्रति आभार प्रकट गर्दै गोक जुनियर बेसिक यस क्षेत्रको पुरानो अनि गरिमामयी विद्यालय रहेको जनाए।
