मजुवा-मानेभञ्ज्याङ, 11 जनवरी, (निसं): मानेभञ्ज्याङमा मानव तस्करी माथि दुइ दिवसिय सचेतना कार्यक्रम सफलता पूर्वक सम्पन्न। बन विभाग दार्जीलिङ अन्तर्गत टङलु क्षेत्रका क्षेत्र अधिकारी देबासिश हाल्दर, कञ्चन जङ्गा उद्धार केन्द्र मुख्य कार्यकारी सचिव रंगु सौरिया,प्रभात पाठक, शित्तल सुब्बा, टाइटेस गिरी, सुष्मा तामाङ र राकचन्द मुखिया एसएसबी एसी मो. सरफराज, एसई अर्जुन छेत्री साथै डब्ल्यूबी प्रहरी सीटी फुलमाया सुब्बा अनि विकास थामीको विषेश उपस्थितिमा कार्यक्रम सम्पन्न भएको थियो। बी कोय मानेभञ्ज्याङ सिंगलिला एनवाईसी भवन हलमा आयोजना हुने दुई दिने मानव बेचबिखन तथा तस्करी माथि सचेतना मुलक कार्यक्रममा प्रमुख वक्ताको रूपमा रङ्गु सौरियाले सबैलाई सतर्कता गराउदै कसरी बाँच्ने र बचाउँने सम्बन्धमा जानकारी गराए।
अति नै उपयोगी उक्त कार्यक्रममा एआइडब्ल्युसी-बाट टेरिजा राई, दिलमाया सुब्बा, सारदा राई अनि तृष्णा राई लगायत अनुज्ञालयका प्रतिनिधिहरू बाहेक अन्य 60 जना भन्दा धेरै गाउँका मानिसहरूले भाग लिएका थिए भनि 36 बटालियन एसएसबी मानेभञ्ज्याङको तर्फबाट जानकारी दिएकोछ।
