दार्जीलिङ, 8 जुलाई(निसं): शिक्षाविद, दार्जिलिङ नगरपालिकाका पूर्व अध्यक्ष साथै दार्जिलिङका पूर्व विधायकको रूपमा समुदायको सेवामा पुर्याउदै धेरै योगदान दिएका अमरसिंह राई सिलगढी- जलपाईगढी विकास प्राधिकरण(एसजेडीए) उपाध्यक्ष पदमा नियुक्त भएकोमा अखिल भारत तृणमुल कांग्रेस पार्टी दार्जीलिङका शसक्त कार्यकर्ता मनिष छेत्रीले राईली बधाई अनि शुभकामना दिएका छन्। छेत्रीले भनेका छन् , जुन राईको दीर्घ सेवा, लगनशीलता र इमानदारिताको उचित सम्मान हो। उनको सोझो जीवन, सबैप्रति समान व्यवहार र कहिले पनि सहयोग गर्न पछि नहट्ने स्वभावले धेरैलाई प्रेरणा दिएको छ। उनी सधैं समाज र समुदायको भलाइको लागि काम गर्दै आइरहेका छन् साथै उनको यस प्रकारको निस्वार्थ सेवाले गोर्खा समुदाय मात्र होइन, सम्पूर्ण समाजलाई गौरव गराएको छ। उनको सिलगढी-जलपाइगढी विकास प्राधिकरण उपाध्यक्ष पदमा नियुक्ति अत्यन्तै सम्मानजनक र खुशीको कुरा हो। यो पद उनको जनताको सेवामा देखाउदै समर्पण, इमानदारी, र निष्ठाको स्पष्ट पहिचान हो।उनी जस्तो अनुभवी र नम्र व्यक्तित्वले पुनः यस्तो महत्वपूर्ण जिम्मेवारी पाउनु हाम्रो समुदायको लागि गर्वको कुरा हो। आशा छ, उनको नेतृत्वमा समाजले अझ धेरै सकारात्मक परिवर्तन देख्नेछ भनी मनिष छेत्रीले भनेका छन्।
