गोर्खा राष्ट्रिय मुक्ति मोर्चा सोनादा पचेङ्ग समष्टिको सभा आज निम्न सोनादा रमितेमा सम्पन्न भयो। समष्टि अध्यक्ष भुपेन गुरुङको अध्यक्षतामा सम्पन्न भएको सांङ्ठनिक सभालाई सह सचिव प्रणित थापाले सञ्चालन गरेका थिए। सभामा मुल सचिव किशोर थापा, प्रवक्ता रुस्तम छेत्री, समष्टि प्रतिनिधिबर्ग, भ्रातृ संगठनका प्रतिनिधिवर्गको उपस्थिति रहेको सभामा समष्टिको सांङ्ठनिक गतिविधि साथै राजनैतिक विषयमा व्यापक छलफल गरेका छन्। समष्टिलाई बलियो बनाउन हेतु सबैले अब तीब्र गतिमा कार्य गर्नु पर्ने सभाले प्रस्ताव पारित गरेका छन्। दिल्लीमा निभाउनु पर्ने भुमिका पार्टी अध्यक्ष अनि शीर्ष नेतृत्वबर्गले निभाइसकेका छन्। निरन्तर सम्पर्कमा रहेर गोर्खा जातिको न्यायको निम्ति कार्य भइरहेका छन्। अब हामीलेले जन सम्पर्क गरि जनतालाई सचेत गराउनु पर्छ। गोर्खा राष्ट्रिय मुक्ति मोर्चा सत्यको मार्गमा हिन्ने दल हो। संस्थापक अध्यक्ष सुवास घिसिङको सिद्धान्त अनि मार्ग दर्शनमा रहेर पार्टी अध्यक्ष मन घिसिङ, शीर्ष नेतृत्ववर्ग अनि कार्यकर्ता गोर्खा जातिको न्यायको निम्ति लडिरहेका छन्। गोरामुमोको टेक भारतको संविधानको प्रावधान अनुरुप जाति, माटो र संस्कृतिको सुरक्षा हुनु पर्छ भनेर भारत सरकारलाई बुझाउनु पर्ने राख्नु पर्ने जनाउनु पर्ने सबै कार्य गरिसकेका छन्। छैटौं अनुसूची भन्दा तलको ब्यवस्थालाई हामी स्वीकार गर्दैनौं भनी मुल सचिव किशोर थापाले आफ्नो सम्बोधन को क्रममा भने। भारत सरकारले अझै सम्म बोलेको छैन। यदि भारत सरकारले गोर्खाल्याण्ड दिन्छ भने त्यो भन्दा ठूलो अरु कुरा हुन सक्दैन। संस्थापक अध्यक्ष सुवास घिसिङले गोर्खाल्याण्ड सोझै नहुने देखे पछि छैटौं अनुसूचीलाई सीडी बनाएर आफ्नो लक्ष्यमा पुग्ने रणनीति तय गरेका थिए। तर यहाँ पहाडमा नेताहरु बुद्धिजीवीवर्गले बुझेन र आज हामी जीटीए जस्तो अंसवैधानिक ब्यवस्थामा भुलिनु पर्यो। आज जीटीए जस्तो ब्यवस्थाले गर्दा गोर्खा जाति लथालिङ्ग भएको छ। मौका छ सबै एक भएर गोर्खा जातिलाई भारतको संविधानको प्रावधान अनुरुप न्याय दिलाउनु पर्छ भनी समष्टि प्रवक्ता रुस्तम छेत्रीले आफ्नो सम्बोधनमा बताएको पार्टीका मिडिया सेल प्रभारी दिनेस साम्पाङले जानकारी दिएका छन्
