दार्जीलिङ,18 जुलाई(निसं): दार्जीलिङ नगरपालिकाका कर्मचारीहरूको धेरै समस्या छ। आज मैले कर्मचारी र नगरपालिका बोर्ड सदस्यहरूसँग बैठक गरेर त्यही समस्याहरूको बारेमा विस्तृत रूपमा छलफल गरियो र समाधानको बाटो खोजियो भनी गोर्खाल्याण्ड टेरिटोरियल एड्मिनिस्ट्रेसन(जीटीए) चिफ एक्ज्युकेटिभ अनित थापाले बताएका छन्। चिफ एक्ज्युकेटिभ अनित थापाले भने,बताए अनुसार, नगरपालिकाको बैठकमा हामीले नगरपालिका अन्तर्गतका विद्यालयहरूको समस्या, शिक्षक समस्या, पेन्सन समस्या, जागिर स्थायित्वको समस्याको बारेमा छलफल गर्यौं। कर्मचारीहरुको मुद्दाको बारेमा कुरा गर्दा 29 कर्मचारीहरू स्थायी हुनेवाला थिए। तर नगरपालिका भित्रबाट यसको विरोध भयो। यदि आफुले बुझिएन भने, अरूले गरिएको काम बिगार्ने मानसिकता त्याग्नुपर्छ। जहाँसम्म मलाई लाग्छ, दार्जीलिङ नगरपालिकाका समस्याहरू कहिल्यै समाधान हुने ठाउँमा पुगेका छैनन्। सरकार समक्ष कतै पुगेको छैन। केही हुन लागेको बेला हामी धमाका गर्छौं। अब यहाँ ठूलो काम हुने समय आएको छ। हामीले परिणाम केन्द्रित भएर काम गर्नुपर्छ। कुनै पनि कर्मचारी संगठनले सधैं शक्तिको पक्षमा काम गर्नुपर्छ। तब मात्र कर्मचारीको समस्या समाधान हुनेछ। आज भारतीय गोर्खा प्रजातान्त्रिक मोर्चा(बीजीपीएम)-मा शक्ति छ। तपाईंले बीजीपीएम- सँग मिलेर काम गर्नुपर्छ। संगठनले भोलि कसको शक्ति आउँछ भन्ने कुरालाई पछ्याउनु पर्छ। विपक्षमा बसेर कर्मचारीको कुनै पनि समस्या समाधान हुँदैन। यो कर्मचारी संगठनको राजनीति हो। दार्जीलिङ नगरपालिकाका कर्मचारीको समस्या म समाधान गर्नेछु। ममाथि विश्वास छ। म त्यसै वाचा गर्दिन। जब म वाचा गर्छु, म त्यो वाचा पूरा गर्नेछु।
