सुकेपोखरी–पोख्रेबोङ–नागरी मारुति भ्यान मोटर एसोसिएशनका चालकहरू तथा सुकेपोखरी ट्राफिक इन्चार्ज पेम्बा लामाको संयुक्त पहलमा आज सुकेपोखरीदेखि पोख्रेबोङ जाने मुख्य सडकको मर्मत कार्य सम्पन्न गरिएको छ।
मर्मत कार्यमा सुकेपोखरी ट्राफिक, सिभिक भोलिन्टियर तथा स्थानीय चालकहरूको सक्रिय सहभागिता रहेको थियो। लामो समयदेखि सडक जीर्ण बनेका कारण सर्वसाधारणलाई आवतजावतमा ठूलो असुविधा भइरहेको अवस्थालाई मध्यनजर गर्दै अस्थायी रूपमा सडक मर्मत गरिएको बताइएको छ।
यस अवसरमा सुकेपोखरी–पोख्रेबोङ–नागरी मारुति भ्यान मोटर एसोसिएशनका सभापति, सचिव तथा ट्राफिक इन्चार्ज पेम्बा लामाले सम्बन्धित विभागलाई उक्त सडकको स्थायी मर्मतका लागि यथाशीघ्र आवश्यक पहल गर्न आग्रह गरेका छन्।
