अल्पसंख्यक मामिला विभागको सल्लाहकार पास्टर रमेश गुरुङलाई नियुक्त

दार्जीलिङ,20 नोभेम्बर(निसं): संयुक्त मञ्च पहाड तराई क्रिश्चियन कल्याण संगठन, 
दार्जीलिङका सदस्यहरूले बुधबार दार्जीलिङ जिल्ला क्षेत्रका क्रिश्चियन अल्पसंख्यकहरूको 
उत्थान र कल्याणको बारेमा दार्जीलिङको गोर्खा दुख निवार सम्मेलनको पुस्तकालय कक्षमा एक
 भित्री बैठक आयोजना गरे।
 विशेष गरी आज संयुक्त मञ्च पहाड तराई क्रिश्चियन कल्याण संगठनले
 संयुक्त मञ्च पहाड तराई क्रिश्चियन कल्याण संगठनबाट गोर्खाल्याण्ड टेरिटोरियल
 एड्मिनिस्ट्रेसन(जीटीए) चिफ एक्ज्युकेटिभ अनित थापाले अल्पसंख्यक मामिला 
विभागको सल्लाहकार पदमा पास्टर रमेश गुरुङलाई नियुक्त गर्ने निर्णयको स्वागत गरियो।
  पास्टर गुरुङ यस संस्थाका अध्यक्ष पनि हुन भनी संयुक्त मञ्च पहाड तराई क्रिश्चियन कल्याण
 संगठनले बताएकोछ। जानकारी अनुसार, यस संस्था बौद्ध, मुस्लिम, हरिजन र अन्य लगायत सबै 
अल्पसंख्यकहरूको एकीकरण हुनेछ र जीटीए चिफ  अनित थापाको नेतृत्वमा आगामी दिनहरूमा सबै
 अल्पसंख्यकहरूको हितको लागि काम गर्नेछ भनी अध्यक्ष, संयुक्त मञ्च पहाड तराई क्रिश्चियन कल्याण संगठन, 
पास्टर रमेश गुरुङले बताएका छन्।