दार्जीलिङ, २8 मार्च (निसं): दार्जीलिङमा बसोबास गर्ने सबै जाति र धर्मावलम्बीहरू एउटै रहेको सन्देश दार्जीलिङका मुस्लिम समुदायले शुक्रबार दार्जीलिङमा आयोजना गरिएको राम नवमीको पवन अवसरमा दियो। भक्तजनहरूले पटेका पड़ाएर, नाँच गान गर्दै भक्तिभावको साथ जयश्री रामको गगनवेदी नाराहरू लगाए। सोही अवसरमा कुराकानी गर्दै जावेदअलीले भने, दार्जीलिङमा कुनै भेदभाव छैन र सबै नङ्ग र मासु सरह मिलेर बसेको छ। चाहे हिन्दुहरूको महान पर्व होस् वा गोर्खाहरूको कुनै चाँड़ पर्व होस्, हामी सबै एक भई पालन गर्छौँ। आज राम नवमीको दिन धार्मिक अनुष्ठानमा सहभागिता जनाएर यहाँ कुनै मतभेद छैन भन्ने सन्देश विश्वलाई दिन चाहेको उनले बताए। ल हुसेल होस् या दार्जीलिङ नगरपालिकाको तत्वमा आयोजित रामनवमीको अवसरमा शहरमा निकालिएको शोभा यात्रामा दार्जीलिङका मुस्लिमहरूले पनि सहभागिता जनाउँदै राम नवमीको पहाड़लाई शुभकामना दिए। शहरमा बढ़ो धुमधाम अनि हर्षोउल्लासको साथ शुक्रबार राम नवमी पालन गरियो। नगरपालिकाको तत्वधानमा आयोजित उक्त राम नवमीमा महाकाल मन्दिर कमिटी, सिद्धी बिनायक कमिटी साथै विभिन्न संघ संस्था अनि समाजका प्रतिनिधिहरूले भाग लिएका थिए। दार्जीलिङ नगरपालिका अध्यक्ष दिपेन ठकुरीले बताएअनुसार बिहान ठाकुबाड़ी मन्दिरमा पूजा अर्चना गरेपछि शोभा यात्रा निकालियो। जुन शोभा यात्रा चौरास्तामा पुगेपछि त्यहाँ श्रद्धालु भक्तजनहरूको लागि स्थापना पारिएको भगवान राम र सीताको प्रतिमामा पूजा गरियो । शोभा यात्रामा व्यापक मात्रमा भक्तजनहरूको उपस्थिति थियो ।
