सोनादादेखि खरसाङसम्म क्रामाकपाको पोस्टरिङ

सोनादा , (निसं): अलग राज्य गोर्खाल्याण्डको मागप्रति केन्द्रको भाजपा सरकारको ध्यानाकर्षण गर्न क्रामाकपाले 9 र 10 फरवरी 2026 मा दिल्लीको जन्तर मन्तर मैदानमा दुई दिवसीय धर्ना कार्यक्रम आयोजना गरिरहेको जानकारी प्राप्त भएको छ। सोही धरणा कार्यक्रमलाई प्रभावकारी बनाउन मंगलबार क्रामाकपा दार्जीलिङ आञ्चलिक कमिटीको आयोजनामा सोनादादेखि खरसाङसम्म व्यापक पोस्टरिङ र पर्चा वितरण गरेको छ। उक्त पोस्टरिङ साथै पर्चा वितरण कार्यक्रममा दार्जी आञ्चलिक कमिटीको सचिव उद्धव खनाल, सभापति कृष्णवीर राई, केन्द्रीय उपाध्यक्ष बीएम राई लगायत सोनादा जोनल 2 जेके सुब्बा, सोनादा जोनल 1 का सभापति अकबर चाम्लिङ, अनर सुब्बा र शरद विश्वको तत्वधानमा आयोजना गरिएको कार्यक्रममा सदस्यहरू देवकुमार छेत्री, हेमन राई एवं अन्य सदस्यहरूको उपस्थित रहेका थिए।