पेशोक, 21 नोभेम्बर(निसं): रंगली- रंगलीयट खण्ड्को मिड्ल सोरेङ बस्तीमा गोर्खा भुतपुर्व सैनिक कल्याण संगठनको आयोजनामा डोर टू डोर आउट रिच कार्यक्रम हिजो सम्पन्न भएको संगठनका सचिव रोशन छेत्रीले दिएका छन्। मिड्ल सोरेङ् स्थित एक होमस्टेमा सम्पन्न भएको उक्त आउट रिच कार्यक्रममा दार्जीलिङ 123 माउन्टेन ब्रिग्रेड्का भेट्र्न विभागका प्रमुख कर्णेल अमित अस्त्री मुख्य अतिथिको रुपमा उपस्थित थिए भने संगठन सभापति अवकाशप्राप्त कप्तान के बी मुखियाले अध्यक्षता गरेका थिए भनी संगठन महासचिव अवकास प्राप्त सुवेदार रोशन छेत्रीले जनाएका छन्। महासचिव छेत्रीले जनाए अनुसार, उक्त आउट रिच कार्यक्रममा विशेष क्षेत्रका सम्पुर्ण पुवसैनिक अनि आश्रीत परिवार साथै वीर नारीको लागि महत्वपूर्ण अनि एतिहासिक कार्य गरिएको थियो जसमा देशका लागि सिमानामा आफ्नो सम्पुर्ण जीवन अनि जवानीलाई समर्पण गरेर आफ्नो परिवार देखि टाँडा रहेर त्याग र सेवाको सराहना गरियो। देशको निम्ति गरिएका कार्यको फलस्वरूप यसरी गाउँगाउँ पुगेर सहयोग प्रदान गर्दै आफ्नो कर्तव्य पूरा गर्दै कागजात समबन्धी समस्या, विरामी हेरविचार, क्यान्टीन कार्ड, जीवन प्रमाणपत्र, बैंक, प्रमाणपत्र ,नाम संशोधन, आदि संगठनले गर्दै ल्याएको बताए भने उक्त कार्य गावँवासी पहिलो पल्ट गरिएको बताउदै आभार व्यक्त गरे। हालै गठन गरिएको संगठनद्वारा निरन्तर दुईवटा यस्ता कार्य गर्नु भनेको लरतरो कुरो होइन भनी मुख्य अतिथि क. अमित अस्त्री अनि विशिष्ट अतिथि एसपी प्रधानले आफ्नो सम्बोधनमा जनाएको बताइएको छ् । उक्त अवसरमा विभिन्न ब्यांकका प्रबन्धकहरुको उपस्थिति रहेका थिए भनेर एसबीआई टिस्टाका शाखा प्रबन्धक प्रणय तामङले सकारात्मक पहल बताए। कार्यक्रमलाई संगठनका महासचिव अप्रा. सुवेदार रोशन छेत्रीले संचालन गरेका थिए भनी छेत्रीले जानकारी गराएका छन् ।
