भारतीय जनता पार्टीका राष्ट्रिय प्रवक्ता अनि दार्जीलिङ लोकसभाका सांसद राजु विष्टले
दार्जीलिङ पहाड, तराई र डुवर्सका मानिसहरूसँग स्वर्गीय प्रशान्त तामाङलाई अन्तिम बिदाइ दिन सामेल भएको र बागडोग्रा विमानस्थलबाट अन्त्येष्टि यात्रामा सामेल भएको प्रेस विज्ञप्तिमा उल्लेख गरेका छन्। यसक्रममा प्रशान्त तामाङको निधनले विष्टले प्रशान्त तामाङको निधन हुनु अति नै दुःखद रहेको बताए। विष्टले, एक प्रतिष्ठित गोर्खा युवा, प्रशान्तले आफ्नो आवाज, नम्रता र सरलताले संसारलाई मंत्रमुग्ध पारेका थिए। हाम्रो दार्जीलिङ पहाडबाट उठेर, उनले सम्पूर्ण समुदायको आशा र आकांक्षालाई विश्वव्यापी मञ्चमा पुर्याए, जसले गर्दा प्रत्येक गोर्खालाई गर्व भएको बताए।
गोर्खा समुदायले यति सानो उमेरको व्यक्ति गुमाउनु हृदयविदारक छ। हामी उनको निधनमा शोक पालन गर्दैगर्दा, हामी लाखौंलाई प्रेरणा दिने र उनको संगीत र उनले सिर्जना गरेका सम्झनाहरू मार्फत जीवित रहने विरासतको पनि उत्सव मनाउने विज्ञप्तिमा उल्लेख गरेका छन्।
सांसद राजु विष्टले उनको, परिवार, साथीभाइ र अनगिन्ती प्रशंसकहरूप्रति मेरो हार्दिक समवेदना प्रकट गर्दै उनको आत्माले अनन्त शान्ति पाओस् भनी प्रार्थना गरेको बताएका छन्।
