दार्जीलिङ,9 जनवरी(निसं): अलग राज्य गोर्खाल्याण्डको निम्ति निरन्तर शान्तिपूर्ण र गणतान्त्रिक आन्दोलनमा रहेको क्रामाकपाद्वारा भारत सरकारलाई उनीहरुले गत 16 वर्षदेखि गोर्खाहरूको राष्ट्रिय चिन्हारी र राजनैतिक सुरक्षाको निम्ति स्थायी राजनैतिक समाधान गर्ने वाचा गरेको भएता पनि आजसम्म पूरा नहुँदा सरकारलाई प्रतिबद्धता याद दिलाउन आगामी 9 र 10 फरवरीको दुई दिन संसद धर्ना दिल्लीको जन्तर मन्तरमा गरिने निश्चित गरिएकोछ। त्यस धरनामा अलग राज्य पक्षका सम्पूर्ण राजनैतिक दल र संघ संस्थाहरूको एकबद्धता गोर्खा एकता दर्शाउन निमन्त्रणा गर्दै क्रामाकपा धर्ना आयोजकको टोली आइजीजेएफ मुख्य संयोजक अजय एडवर्डलाई उनको केन्द्रीय कार्यालय पी कोठीमा भेट गरी निमन्त्रणा पत्र हस्तान्तरण गरिएको क्रामाकपा मिडिया सेलले जानकारी गराएकोछ। यसरी नै क्रामाकपा मिडिया सेलले जानकारी गराए अनुसार, बिहिबारको दिन पूर्व जीटीए प्रमुख तथा वर्तमान सभासद् सशक्त सचेत राजनीतिज्ञ नेता विनय तामाङसित एक सौहार्दपूर्ण भेटघाट क्रामाकपा कार्यालयमा क्रामाकपाका शीर्ष नेतृत्वसँग भेटघाट भयो। यस भेटघाटमा गोर्खा जातिको हितबारे लामो विचार विमर्श गरियो साथै चर्चाको क्रममा क्रामाकपाद्वारा आगामी दिनाङ्क 9 र 20 फरवरी दुई दिनको दिल्लीमा आयोजना हुने संसद धरनाको निम्ति निमन्त्रणा पत्र क्रामाकपाका शीर्ष नेतृत्वहरूद्वारा हस्तान्तरण गरियो। तामाङले यस पहललाई सकारात्मक मानिलिँदै हर सम्भव सहयोग गर्ने आश्वासन दिए।
