दार्जीलिङ,31 जनवरी(निसं):अहिले धमाधम मर्मत हुँदैछ चुङथुङ लिजाहिल हुँदै दार्जिलिङ जाने मूल सडकको निर्माण कार्य। यो क्षेत्रको निम्ति मात्र नभएर यो सडक रिम्बिक लोधोमा देखि लिएर पुल बिजनबारी, रेलिङ,कैंजले अनि कोल्बुङ क्षेत्रको निम्ति पनि एक अत्यन्त महत्त्वपूर्ण सडक हो। जो वर्षौं देखि दयनीय अवस्थामा रहेको थियो। तर अहिले पीडब्लुडी अन्तर्गत परेपछि यस डीबीपी सडकको निर्माण कार्य धेरै गुण स्तरीय ढंगमा भइरहेको छ। अहिले चुङ थुङ सल्लाबारीदेखि लिजाहिल सम्म अल्कत्र लगाउने कार्य निरन्तर चलिरहेको छ।
यससँगै सालु ,ऋषिहाट र मेरीबोङ क्षेत्रमा गत दिनमा बर्खाझरीमा भत्किएको भित्ताहरूको पनि सुरक्षा देवल लगाउने कार्य निरन्तर रूपमा भइरहेको छ। उक्त क्षेत्र हरुमा बसोबास गर्ने वासिन्दाहरुको निम्ति यो जीवन रेखा मानिने सडक हो। एक समय अत्यन्त दयनीय अवस्थामा पुगेकाले गाड़ी आउजाउ गर्न नै छोडिसकेको थियो।
अहिले सडक धेरै राम्रो भएपछि धेरै गाड़ीहरु आऊ जाऊ गर्न थालेको छ। यस सन्दर्भ सिलगढी लाइन गाड़ी चलाउने सुजन परियारले पहिले भन्दा धेरै सुविधा भएको अवगत गराए। अहिले धेरै छिटो र सुविधा भएको उनले बताए। यसरी नै आनन्द राईले पनि सडक निर्माण अत्ति नै जरुरी रहेको बताउँदै अहिले धेरै सुविधा भएको जनाए। यो सडकको निर्माणले अब उसो समग्र वासिन्दा लगायत पुल बिजनबारी क्षेत्र अन्तर्गत रहेका होम स्टेमा आउने पर्यटक हरुको निम्ति पनि धेरै असल हुने उनले जनाए।
