खरसाङ सुपर लीग 2025 को बिहीवारको खेलमा युकेएफसी अनि त्रिशुली सङ्घ विजय

खरसाङ , 10 जुलाई (निसं): खरसाङ फुटबल एसोसिएसन अनि जीटीएको युवा अनि खेल मामिला विभागको संयुक्त आयोनमा खरसाङको गोथल्स मेमोरियल स्कूलको खेल मैदानमा सम्पन्न भइरहेको खरसाङ सुपर लीग फुटबल टुर्नामेन्टको बिहीवार पाँचौँ दिनको खेल सम्पन्न भएको छ। पाँचौँ दिनको खेलिएको पहिलो खेल प्रिमियर डिभिजन अन्तर्गत युकेएफसी अनि खरसाङ लिजन्टमाझ सम्पन्न भयो। यो लगभग एकतर्फी देखियो, यस खेलमा खेलमा:- युकेएफसीका खेलाडीहरूले 6 गोल गरेर खरसाङ लिजन्टलाई सजिलै हराए। खरसाङ लिजन्डका खेलाडीहरूले 1 गोल मात्र गर्न सके।दोस्रो खेल च्याम्पियन डिविजन अन्तर्गत त्रिशुली सङ्ग अनि खरसाङ भेटरेनमाझ सम्पन्न भयो। यो खेलमा पनि त्रिशुली सङ्घको एक तर्फी दबाव देखियो। त्रिशुली सङ्घका खेलाडीहरूले 8 गोल छिराए भने खरसाङ भेटरेनका खेलाड़ीहरूले कुनै गोल गर्न सकेनन्। यस प्रकार यो खेल त्रिशुली सङ्घले शुन्यको विरुद्ध 8 गोलले जितेको छ। बिहीवारको खेलको सञ्चालन हिल्स रेफेरीस एसोसिएसनका रेफेरीहरु प्रमोद प्रधान, नितेश देवान, रेबिका प्रधानले गरेका थिए भने फोर्थ अफिसियलमा सञ्जय थापा अनि प्रतीक प्रधान रहेका थिए।