दार्जीलिङ,19 जनवरी(निसं):किराँती खम्बु राई सांस्कृतिक संस्थानद्वारा आइतबार तकभर अनि गोकको फेदी खोला नजिक जामुने परिसरमा किराँती नयाँ वर्ष येलेदोङ 5086 पालन गर्दै यस नयाँ वर्षको उपलक्ष्यमा सबैसबैलाई शुभकामना बव्यक्त गर्दै माङ्पा गणेश राईद्वारा पुजा-अर्चना गरेर सबै खम्बु राईहरुको निम्ति सुस्वस्थ्य,दिर्घायु अनि सफलताको बल- बिन्ती माङ्गने कार्यक्रम भयो। यसपाली येलेदोङ कार्यक्रममा विभिन्न क्षेत्रका शाखा-प्रशाखाहरुबाट किराँत सदस्यहरुले अंश ग्रहण गरिएको जानकारी येलेदोङ समितीले दिएको छ।कार्यक्रममा मदन थुलुङ, बिजनबारी खण्ड समिति उपाध्यक्षले कार्यक्रममा बोल्दै खम्बु राईहरुको निम्ति येलेदोङको महत्व, यसको संरक्षण अनि प्रोत्साहन आउने पीडिहरुको निम्ति गर्नुपर्ने आवस्यकता बताए।
कार्यक्रममा किराँती खम्बु राई सांकेतिक संस्थान केन्द्रिय अध्यक्ष उद्यान राई,किराँती खम्बु राई जातिको यस यालेदोङ पर्वमा आयोजक समितिद्वारा दार्जीलिङ केकेआरएस केन्द्रीय समिति प्रतिनिधि टोली साथै जिल्ला समिति सभापति किशोर राई, केकेआरएस सेवा समिति सचिव एवम् केन्द्रीय समिति सदस्य दिवस सोताङ राई, केकेआरएस अफिस सचिवा असमिता राई, सिंगताम शाखा अध्यक्ष युवकुमार राई, अन्य उपस्थित थिए।
