आइजीजेएफ दार्जीलिङ उप–मण्डल संगठनात्मक बैठकले परिवर्तन र स्वच्छ राजनीतिप्रति आह्वान पुनःपुष्टि गर्यो। भ्रष्टाचार, कुशासन तथा पूरा नभएका आश्वासनहरूप्रति पहाडमा बढ्दो जनआक्रोशको पृष्ठभूमिमा इन्डियन गोर्खा जनशक्ति फ्रण्ट(IGJF) दार्जीलिङ उप–मण्डलको एक महत्वपूर्ण संगठनात्मक बैठक पी. कोठी, दार्जीलिङमा सम्पन्न भयो।
उक्त बैठकमा केन्द्रीय कार्यसमिति (CWC) का सम्पूर्ण सदस्यहरू, समस्टि प्रतिनिधिहरू, तथा दार्जीलिङ उप–मण्डल अन्तर्गत क्रियाशील विभिन्न फ्रन्टल संगठनका प्रतिनिधिहरूको उपस्थिति रहेको थियो। बैठकको अध्यक्षता श्री डी. के. गुरुङले गरेका थिए।
विस्तृत र स्पष्ट छलफलका क्रममा डिजिटल सदस्यता अभियानको प्रगति समीक्षा गरियो, जरा तहमा संगठनको अवस्थाको मूल्याङ्कन गरियो, र जनताको वर्तमान मनोविज्ञानमाथि गहन विचार–विमर्श भयो। छलफलले GTA प्रशासनको भ्रष्ट अभ्यास र भाजपाद्वारा बारम्बार गरिएका झूटा आश्वासनहरू प्रति जनतामा व्याप्त गहिरो आक्रोशलाई स्पष्ट रूपमा प्रतिबिम्बित गर्यो, जसले पहाडमा न त वास्तविक विकास ल्यायो,न सम्मान, न त न्याय।
बैठकले स्पष्ट रूपमा घोषणा गर्यो कि दार्जीलिङका जनताले अब इमानदारी, उत्तरदायित्व र भुमि तथा जनताप्रतिको प्रतिबद्धतामा आधारित निर्णायक र विश्वासयोग्य विकल्प खोजिरहेका छन्। यस सन्दर्भमा, आइजीजेएफले आफ्नो वैचारिक अडान र जनमुखी दृष्टिकोण पुनः दोहोर्यायोः“बाटो पनि छोड्दैनौँ, माटो पनि छोड्दैनौँ।”
(हामी न त हाम्रो बाटो छोड्नेछौँ, न त हाम्रो भुमि सुम्पिनेछौँ।)
सदस्यहरूले सर्वसम्मत रूपमा आइजीजेएफ प्रमुख अजय एड्वर्डसको सक्षम, इमानदार र समझौताविहीन नेतृत्वमा आगामी विधानसभा निर्वाचनमा सफलता सुनिश्चित गर्न निष्ठा र समर्पणका साथ काम गर्ने प्रतिबद्धता व्यक्त गरे। सामूहिक संकल्प स्पष्ट थियो— भ्रष्टाचार, विश्वासघात र राजनीतिक अवसरवादबाट मुक्त वास्तविक परिवर्तन,जसको चाहना पहाडका सर्वसाधारण जनताले गरिरहेका छन्,त्यसलाई साकार पार्ने।
संगठन सुदृढीकरणको क्रममा, प्रमाणित आइजीजेएफ सदस्यता कार्डका हार्ड कपीहरू सम्बन्धित समष्टि प्रतिनिधिहरूलाई औपचारिक रूपमा हस्तान्तरण गरियो।
बैठकले आगामी १८ जनवरी २०२६, बिहान ११:०० बजेबाट, आइजीजेएफ केन्द्रीय कार्यालय, दार्जीलिङमा, दार्जीलिङ उप–मण्डलका कार्यकर्ताहरूका लागि पार्टी कार्यकर्ता भेला (कर्मी सभा) आयोजना गर्ने निर्णय पनि गर्यो।उक्त कर्मी सभालाई आइजीजेएफ प्रमुख अजय एड्वर्डसले सम्बोधन गर्नेछन्।यसैगरी, कालेबुङ, खर्साङ र मिरिकमा पनि चाँडै यस्तै पार्टी कार्यकर्ता भेलाहरू आयोजना गरिनेछ, जसले पहाडभरि पार्टीको जरा तहको संगठनलाई अझ सुदृढ बनाउनेछ।
बैठकको अन्त्यमा यो सशक्त सन्देश दिइयो कि भ्रष्टाचार, झूटा आश्वासन र राजनीतिक उपेक्षाको युग अब समाप्त हुनुपर्छ,र आइजीजेएफ सम्मान, न्याय र सार्थक आत्म–शासनको लागि जनताको न्यायोचित सङ्घर्षमा दृढतापूर्वक उभिएको
केन्द्रीय कार्यकारिणी सदस्य, एन. बी. खवासले जानकारी दिएका छन्।
