रेलिङ, 4 जनवरी (निसं): रेलिङ ग्राम पञ्चायत अधिनस्त अप्पर रेलिङमा कालेबुङ दृष्टि फाउण्डेशन-को मुख्य आयोजनामा तथा रेलिङ गाउँ सुधार समाज( पूर्व धर्म समाज)-को सहयोगमा क्षेत्रमा मानिसहरू लिएर नि:शुल्क एक दिने स्वास्थ्य जाँच शिविरको आयोजना गरेको छ। स्थानीय
गुम्बाटार( देवानीटार) स्थित रेलिङ गाउँ सुधार समाज( पूर्व धर्म समाज )-को निज भवनमा भएको शिविरमा कालेबुङ दृष्टि फाउन्डेसनका सभापति डा.अब्दुल हक , सचिवा कल्पना छेत्री, जनरल फिजिशियन एमडी डाक्टर डीके ब्यानर्जी, ल्याप टेक्नीशियन वाशिम अकरम , सदस्य मोहम्मद कमरूद्दीन आदिको विशेष उपस्थिति रहेको थियोे। कालेबुङ दृष्टि फाउण्डेशनका सचिवा कल्पना छेत्रीले भनेका छिन्, गाउँ सुधार समाजले सार्वजनिक भवनको उपलब्ध गराएर हामीलाई धेरै सहयोग पुराई दिनु भएकोमा आभारी छौं। उक्त शिविरमा आँखाका रोगीहरूले नि:शुल्क रूपमा आँखा जचाँए भने आवश्यक परेकाहरूलाई डाक्टरको परामर्श अनुसार शुलभ मुल्यमा चस्मा पनि लिएका छन। यसका साथै जनरल फिजिशियन डक्टारद्वारा रोगीहरूको रोग जाँच गरेर नि:शुल्क रूपमा दवाई प्रदान गरेको छ। यस नि:शुल्क शिविर सफल बनाउन कालेबुङ दृष्टि फाउण्डेशनप्रति रेलिङ गाउँ सुधार समाज( पूर्व धर्म समाज)का सचिव जीवन गुरूङले कृतज्ञता प्रकट गरेको जानकारी दिएका छन्।
