दार्जीलिङ,29 फरवरी(निसं): गोर्खाल्याण्ड क्षेत्रीय प्रशासन (जीटीए)-द्वारा ऐतिहासिक लगानी सम्झौता सम्पन्न गर्दै सैलावास(जलपहाड)-मा निर्माण हुने पाँचतारे पर्यटन परियोजनाबारे गोर्खाल्याण्ड क्षेत्रीय प्रशासन (जीटीए) चिफ एक्ज्युकेटिभ अनित थापाले एक प्रेस विज्ञप्ति जारी गर्दै भनेका छन्, गोर्खाल्याण्ड क्षेत्रीय प्रशासन (जीटीए)-ले आज एक औपचारिक समारोहबीच दार्जीलिङको सैलावास, जलपहाडमा प्रस्तावित प्रिमियम पर्यटन सुविधा परियोजनाको लागि सम्झौतामा हस्ताक्षर गरेको छ। करिब 2 सय करोड रुपैयाँको लागतमा डिजाइन-बिल्ड-फाइनान्स-अपरेट-ट्
उनले भनेका छन्, 5.9 एकड क्षेत्रफलमा फैलिने यस परियोजना अन्तर्गत अत्याधुनिक होटेल तथा रिसोर्ट कम्प्लेक्स निर्माण गरिनेछ, जसमा लग्जरी आवास, फाइन डाइनिङ रेस्टुरेन्ट, अत्याधुनिक सम्मेलन हल, वेलनेस सेन्टर तथा पर्यावरणमैत्री पूर्वाधारहरू समावेश हुनेछन्।
यस परियोजनाले दार्जीलिङलाई विश्वस्तरीय पर्यटन गन्तव्यको रूपमा स्थापित गर्ने लक्ष्य राखेको छ। मुख्य विशेषताहरू तथा स्थानीय समुदायमा पर्ने प्रभाव पार्नेछ।थापाले अझ भनेका छन्, जसमा आर्थिक पुनरुत्थानमा यस परियोजनामा हुने 2 सय करोड रुपियाँको पूर्ण निजी लगानीले जीटीए तथा स्थानीय प्रशासनमा कुनै आर्थिक भार नपर्ने सुनिश्चित गरेको छ।रोजगारी सिर्जनामा यस आयोजनाले निर्माणदेखि सञ्चालनसम्मका चरणहरूमा करिब 3 सय स्थानीय युवाहरूलाई प्रत्यक्ष रोजगारी प्रदान गर्नेछ।
साथै, हस्तकला, खाद्य तथा पेय पदार्थ, यातायात लगायतका सम्बन्धित क्षेत्रहरूमा थप 5 सय जनाको लागि अप्रत्यक्ष रोजगारीका अवसरहरू सिर्जना हुने अपेक्षा गरिएकोछ। उनले भनेक छन्, उच्चतम सुरक्षा मापदण्ड परिप्रेक्ष्यमा, हिमाली क्षेत्रको भूगोललाई ध्यानमा राख्दै सम्पूर्ण संरचना उच्चतम भूकम्प प्रतिरोधी प्रविधिबाट निर्माण गरिनेछ। यसले दीर्घकालीन सुरक्षा र दिगोपनाको प्रत्याभूति प्रदान गर्दछ। विश्वस्तरीय सुविधा तथा दिगोपना व्यवस्थामा यस परियोजनाले पाँचतारे होटल स्तरको आतिथ्यता, उत्कृष्ट भोजनालय, स्पा तथा कल्याण केन्द्रहरू प्रदान गर्नेछ। वर्षाको पानी संकलन, ऊर्जा दक्ष प्रविधि जस्ता हरित सुविधाहरूको समावेशले वातावरण संरक्षणमा समेत योगदान पुर्याउनेछ।
थापाले भनेका छन्, यो 2 सय करोडको लगानीले दार्जीलिङको पर्यटन क्षेत्रमा एउटा नयाँ युगको सुरुवात गरेको छ। हाम्रो मुख्य उद्देश्य स्थानीय युवाहरूलाई गर्व र आत्मनिर्भरताका साथ जोड्नु हो। यस परियोजनाले साधारण कर्मचारीदेखि होटल व्यवस्थापनसम्मका क्षेत्रमा तीन सय भन्दा बढी स्थानीय युवालाई प्रत्यक्ष रोजगारी दिनेछ।
भूकम्प प्रतिरोधी संरचना र उत्कृष्ट पञ्चतारा सुविधाहरूले सुसज्जित यो परियोजनाले दार्जीलिङलाई अन्तर्राष्ट्रिय पर्यटन नक्सामा अझ उज्ज्वल बनाउने छ। यसले हाम्रो सम्पदा र आधुनिक सुविधाबीचको सेतुको काम गर्दै पर्यावरणीय सन्तुलनलाई पनि उच्च प्राथमिकता दिनेछ।यस परियोजनाको निम्ति तीन पल्ट टेण्डर खोलिएको जानकारी गराउदै थापाले भनेका छन्,
यस परियोजनाको शिलान्यास अति चाँडै हुने कार्यक्रम रहेको छ। गोर्खाल्याण्ड क्षेत्रीय प्रशासन यस परिवर्तनकारी पहलमार्फत दार्जीलिङलाई प्रिमियम पर्यटन गन्तव्यको रूपमा विकास गर्न प्रतिबद्ध छ,अनित थापाले थपे।
