घैयाबारी एफसी क्वार्टर फाइनलमा

तीनधारे , (निसं): घैयाबारीमा भईरहेको नगदराशि फुटबल टुर्नामेन्टको पाँचैाँं खेलमा घैयाबारी एफसीले जितेर क्वाटर फाइनलमा प्रवेश गरेको छ। घैयाबारी स्पोर्टस्‌‍ वेलफेयर एसोसिएसनको आयोजनामा गत 3 जनवरीदेखि भईरहेको नगदराशि फुटबल टुर्नामेन्ट अन्तर्गत शनिवार घैयाबारी एफसी र पन्थाबारी एफसी बागडोगरामाझ सम्पन्न भएको छ। यस खेलको पहिलो हाफको समयमा घैयाबारी एफसीको तर्फबाट जर्सी नम्बर 11 विशेष प्रधानले गोल गरेर बढ़त बनाएका थिए। पहिलो हाफको खेल 1-0 को अन्तरले समाप्त भएको थियो। दोस्रो हाफको खेलमा पनि घैयाबारी एफसीको तर्फबाट जर्सी नम्बर 10 मोहित ढुंगानाले गोल गरेर खेल 2-0 को बढ़त बनाएका थिए। पन्थाबारी एफसीले गोल गर्ने धेरै प्रयास गरे पनि कुनै गोल गर्न नसकेपछि खेल 2-0 को अन्तरले जितेर घैयाबारी एफसी क्वाटर फाइनलमा प्रवेश गरेको छ। यस खेलमा म्यान अफ्‌‍ द म्याच घैयाबारी एफसीको जर्सी नम्बर 10 मोहित ढुंगना चयन भएका छन्‌‍। घैयाबारी स्पोर्टस्‌‍ वेलफेयर एसोसिएसनको आयोजनामा यसपाली दोस्रो संस्करणको नगदराशि फुटबल टुर्नामेन्ट भईरहेको छ। यस टुर्नामेन्टमा जम्मा 16 वटा टिमहरुले सहभागिता जनाएका छन्‌‍ अनि यस फुटबल टुर्नामेन्टको फाइनल खेल आगामी 1 फरवरीको दिन हुने भएको छ। यस नगदराशि फुटबल टुर्नामेन्टको विजेतालाई आकर्षक ट्रफिको साथमा डेढ़ लाख रुपियाँ र उप विजेतालाई ट्रफीसहित एक लाख रुपियाँ प्रदान गरिने भएको छ।