दार्जीलिङ, 5 मार्च(निसं): बजारिकरणको अभाव मुल समस्या बनेको छ् अहिले। किसानले उब्जनी गर्दा सरकारी निकायले उब्जनीको सही तरिकाले बजारीकरण व्यवस्था गरिदिए कृषक वा किसानहरुले अझ नयाँ पद्धति अप्नाएर खेतीमा लाग्ने थिए कि भन्ने उक्त मन्तव्य लोवर बडा मंगवाका कृषक, वरिष्ठ साहित्यकार कृबु संयमीले पोखेका हुन् । साहित्य क्षेत्रमा कलम चलाए तापनि आफ्नो दैनिक जीवनमा खेतीकिसान कार्य पनि आफ्नो कोठेबारीमा गर्न रुचाउउने कृषक कृबु संयमी जसको वास्तविक नाम कृष्ण बुडाथोकी हुन्।
कृषि क्षेत्र रहेको लोअर बडा मंगवा क्षेत्रमा पनि अहिले कृषकहरुले आफ्नो खेतबारीमा सिमी लगाएका छन् भने प्रायः जसो कृषकहरु आफ्नो खेतबारीमा नै देखिन्छन् । अहिले बडा मंगवा क्षेत्रका खेतबारीहरुमा बन्द कोपी, मटर, लहसुन आदि लहलह भएको छ भने पुर्खादेखि गरिने गरेको फापर र कोदो खेती भने अहिले गर्न छोडेको उनी बताउँछन् । पहिले ज्यादा उब्जनी गरेर परिवार धान्ने अन्न नै कोदो, फापर आदि हुन् जो आज आएर शब्दमा मात्र सिमित भए जस्तो भएको बुडाथोकी भन्छन्। बस्ती भेगतिर गरिने कोदो, अनि फापर खेती पनि गर्न छोडेका छन्। समय अनुकूल धान खेती यस क्षेत्रमा गरिन्छ भने यसबाहेक नगदे बाली पनि यहाँका किसानहरुले गर्ने गर्द्छ्न।एक पछि अर्को गर्दै समय अनुसार फसलको लागिकिसानहरु लागि पर्छन् मानोउनीहरुलाई जहिले पनि असारको पन्ध्र नै छ।
हालको समय कृषकहरुले जे जति उब्जनी गर्द्छ्न यस् बारे कृषक कृष्ण बुडाथोकीले कि कृषकले बाली उमारे तापनि सठिक बजारिकरणको अभाव अर्को समस्या रहेको बताए। कृषकले दिनभरी खटेर उमारेका समयको साग सब्जी खरीदारीलाई दिन्छन् , बजार भाव अनुसार उनले पाएका भावले कति मुनाफा पाउन गाह्रो छ। खेतमा माटो, मल-जल अनि जैविक मल , रसायनिक मल आदि बारे अझ सही ज्ञान लिएर खेती गर्न सके उत्तम उत्तम हुने उनको भनाई छ् । कृषकहरुको सुविधाको निम्ति कृषि समबन्धी धेरै सचेतनामुलक कार्यक्रम यसै क्षेत्रहरुमा हुने गरेको अनि यस् क्षेत्रमा धेरै प्रकारको साग सब्जीहरुको उत्पादन हुने गरेको कुरोलाई नकार्न सकिन्न ।
अहिले खेतबारीमा सिमी लगाउन लागि परेका छन् भने कतिपयले सिमीको लागि बाँस काटेर सिटा तयार गर्न मग्न रहेको यो कलमकार संगको कुराकानीमा कृषकरुले बताए। फापर र कोदो बाहेक यस क्षेत्रमा सुन्तला खेती ज्यादा हुने गर्द थियो भने अहिले त्यत्ती भारी मात्रामा सुन्तला खेती, फापर, कोदो खेतीमा कृषकहरुको झुकाउ वा चासो नरहेको स्थानीयहरु बताउछन्
