भारत सरकारको दाल योजनाको दालको स्वाद दार्जीलिङबासीले लिनसम्म नपाएको आरटीआई रिपोर्टमा खुलासा भएको छ।इण्डियन गोर्खा जनशक्ति फ्रण्टको केन्द्रीय कार्यकारिणी सदस्य दिपु थापाले बताए अनुसार केन्द्र सरकारले गरिबी रेखा मुनिकाहरूको निम्ति भारत दाल योजना जारी गरेका छन।भारत सरकारको दाल योजनामा गोर्खाल्यान्ड क्षेत्रीय प्रशासन उर्फ जीटीएले पनि सहभागिता जनाएको आरटीआई रिपोर्टमा खुलासा भएको तिनले बताए।भारत सरकारको दाल योजना कार्य योजना अन्तर्गत भारत सरकारले कम मुल्यमा प्रोटिन युक्त दालहरू गरिब परिवारहरूले पाउन सकोस भन्ने हो।भारत सरकारको दाल योजनामा गोर्खाल्यान्ड क्षेत्रीय प्रशासन उर्फ जीटीएले पनि सहभागिता जनाएको खुलासा भएको छ।
आरटीआई रिपोर्ट अनुसार भारत दाल योजनामा जीटीएले 47 हजार मेट्रिक टन चाना दालको माग पत्र चढाएका थिए तर 14 हजार 5 सय मेट्रिक टन भारत सरकारले स्वीकृति गरेको रिपोर्टमा उल्लेख गरेका छन।14 हजार 5 सय मेट्रिक टन भनेको 1 करोड 40 लाख किलो चाना दालको केन्द्र सरकारले स्वीकृति गरेको आरटीआई रिपोर्टमा उल्लेख गरेका छन अनि जीटीएले सन्जु छेत्री नामक महिलाको नाममा 2024 मा भारत सरकार समक्ष निवेदन पत्र चढाएको आरटीआई रिपोर्टमा उल्लेख गरिएको छ तर महत्वपूर्ण विषय आवेदन कर्ता सन्जु छेत्रीले यसको जानकारी जीटीएको मुख्यसचिव साथै राज्य सरकार समेतलाई दिएका थिएनन्।सन्जु छेत्री को हुन भन्ने चासोको विषय रहेको छ।सन्जु छेत्रीले प्रयोगको लेटर प्यार्डमा जो फोन नम्बर लगाएका छन त्यो नम्बर जीटीएको सभासद सतिश पोख्रेलको रहेको स्पष्ट भएको छ।सरकारद्वारा जारी गरेको योजनालाई जीटीएले नीजि कम्पनीको हातमा सुम्पिएको छ साथै जीटीएले रूपियाको लेन देनदेखि लिएर समान उठाउन सक्ने साथै वितरण समेत गर्न सक्ने क्षमता समेत प्रदानको खुलासा भएको छ।
आरटीआई रिपोर्टमा जीप शक्ति नाम गरेको नीजि कम्पनीले केन्द्र सरकारलाई पैसा भूक्तान पनि गरिसकेको साथै चाना दाल पनि उठाई सकेको जानकारी गराएको छ तर दुखको विषय भारत सरकारको दाल योजना अन्तर्गत जारी गरेको चाना दालको स्वाद दार्जीलिङबासीले लिन समेत पाएनन्।भारत सरकारद्वारा जारी गरेको दाल योजनाको दाल दार्जीलिङ पहाडमा कतै वितरण गरेको हामीले जानकारी पाएका छैनौ भन्ने थापाले बताए।जीटीए क्षेत्रमा 8 लाख जति जन संख्या रहेको छ,एक करोड 40 लाख किलो चाना दाललाई वितरण गर्ने हो भने प्रत्येक व्यक्तिको भागमा 17 देखि 18 किलो चाना दाल पर्दो रहेछ तर दार्जीलिङबासीले भारत सरकारले जारी गरेको चाना दालको स्वाद लिन समेत पाएनन्।भारत सरकारले जारी गरेको चानादाल दार्जीलिङबासीले पाएनन् उसो भए गयो कहाँ?यो प्रश्नको विषय हो भन्दै थापाले प्रश्न तेर्साए।दिपु थापासंग फिन्जो वाङगेल गुरूङ र पासाङ साथमा थिए।
