58 वर्ष भन्दा माथिका चिया बगान श्रमिकहरूलाई पेन्सन लाभको अनुरोध गर्दै जीटीए प्रमुख कार्यपाल अनित थापाद्वारा श्रममन्त्रीलाई पत्राचार गरेको विज्ञप्तिमा जनाइएको छ।
यस पत्रबाट बन्द भएका चिया बगानहरूका श्रमिकहरूको कल्याण सम्बन्धी एक जरुरी मुद्दालाई उनको ध्यानमा ल्याउँदै FOWLOI (असंगठित श्रमिक तथा मजदुरहरूको वृद्धावस्था आयको लागि आर्थिक सहायता) योजना अहिले सम्म 58 वर्ष सम्मका श्रमिकहरूको लागि जीवनरेखा रहेको छ। तर, यो उमेर सीमा नाघेपछि उनीहरू कुनै पनि लाभबाट वञ्चित हुन्छन्। यसको परिप्रेक्ष्यमा, थापाले चिया उद्योगमा आफ्नो जीवन समर्पित गरेका, प्रायः चुनौतीपूर्ण अवस्थामा काम गरेका यी बगान श्रमिकहरूलाई पेन्सन लाभ विस्तार गर्नुहुन् अनुरोध गरेका छन्। धेरै श्रमिकहरूले दशकौंसम्म चिया उद्योगको वृद्धि र समृद्धिमा योगदान गरेका छन्, तर वृद्धावस्थामा उनीहरू कुनै सुरक्षाघेरा बिना नै छोडिन्छन्।
जीटीए प्रमुखले सरकारलाई अनुरोध गर्दै मांग गरेका छन् कि यी श्रमिकहरूलाई गरिमापूर्ण र सुरक्षित आय प्रदान गर्ने एक पेन्सन योजना कार्यान्वयन गर्न विचार गरुन्, जसले उनीहरूको र उनीहरूका परिवारहरूको कल्याण सुनिश्चित गर्न सकोस्। यो सामाजिक सुरक्षातर्फ एक महत्वपूर्ण कदम हुनेछ साथै राज्यको अर्थतन्त्रमा उनीहरूले गरेको अमूल्य योगदानको पहिचान पनि हुनेछ।
चिया श्रमिकहरुको हितको निम्ति कार्य गर्नु आफ्नो व्यवस्था साथै बिजीपीएम पार्टी कटिबद्ध रहेको आफ्नो प्रतिबद्धता रहेको जनाए।
जीटीए सभाका डेपुटी च्यरम्यान राजेश चौहानले मन्त्रीलाई भेट गरी अनुरोध पत्र चढाएको विज्ञप्तिमा उल्लेख गरिएको छ। मन्त्रीले सकारात्मक विचार राखेको राजेश चौहानले बताएका छन्।
अनित थापा
मुख्य कार्यपाल
जीटीए
