दार्जीलिङ,16 जुन(निसं): रक्तदाता दिवसलाई मध्य नजर राख्दै महाकाल मन्दिर परिचालक समिति साथै ब्लड सेन्टर दार्जीलिङ जिल्ला अस्पतालको सयुंक्त तत्वधानमा रक्तदान विषय जनचेतनाको निम्ति नाटक मञ्चन साथै जानकारी मुलक पर्चा वितरण कार्यक्रम आइतबार सम्पन्न गरियो । स्थानीय मारवाडी सहायक समिति भवनमा सम्पन्न कार्यक्रममा वैष्णवी प्रोडक्सन दार्जीलिङका कलाकारहरु क्रमैले रिना राया, आदित्य राया, सुनिल शंकर अनि शिवानी छेत्रीद्वारा रक्तदान बिषय माथी जनचेतनामूलक लघु नाटक रक्तदान जिवन दान प्रस्तुत गरियो । सम्पन्न कार्यक्रममा महाकाल मन्दिर परिचालक समितिका सदस्यहरु ,ब्लड सेन्टर डिस्ट्रीक हस्पिटल दार्जीलिङका डाक्टर गोपाल सरकार ,डाक्टर एस कुमार लगायत आशा कर्मीहरु ,विभिन्न संघ-संस्थाका प्रतिनिधिहरुको उपस्थिति रहेको थियो। कार्यक्रममा रक्तदान गर्न किन जरुरी छ साथै कस्ता व्याक्तीहरुले रक्तदान गर्न सकिन्छ भन्ने बिषयमा अवगत गराएका थिए । जनचेतनामूलक कार्यक्रम सम्बन्धि महाकाल परिचालक समिति साथै ब्लड सेन्टर जिल्ला अस्पताल दार्जीलिङका सदस्यले बृस्तित जानकारी गराए।
