२४-खरसाङ विधानसभा क्षेत्रकी उम्मेदवार सुश्री बन्दना राईको चुनावी काफिलामाथि प्रचार-प्रसारको क्रममा केही व्यक्तिहरूद्वारा धारिलो हतियार प्रयोग गरी जुन किसिमको सांगघातिक प्रहार गरियो त्यसको म कडा शब्दमा विरोध एवं घोर भर्त्सना गर्दछु। लोकतन्त्रको उत्सव मानिने निर्वाचनको समयमा एक महिला उम्मेदवारमाथि यसरी भौतिक आक्रमण हुनुले हाम्रो समाज र राजनैतिक संस्कारलाई लज्जित तुल्याएको छ। यस्ता डर र त्रासको राजनीतिले लोकतान्त्रिक मुल्य-मान्यतालाई कमजोर बनाउँदछ । विचारको लडाइँलाई हतियारको बलमा दबाउन खोज्नु कायरताको पराकाष्ठा हो।
यस दुखद घटनामा म प्रशासनसँग निम्न मागहरू राख्दछु:
१. यस घटनामा संलग्न दोषीहरूलाई निष्पक्ष जाँच गरी कडाभन्दा कडा कानुनी कारबाही गरियोस् ;
२.निर्वाचनको समयमा उम्मेदवार र जनताको सुरक्षाको पूर्ण ग्यारेन्टी गरियोस् ;
३.चुनावलाई भयरहित र निष्पक्ष वातावरणमा सम्पन्न गर्न आवश्यक कदम चालियोस्।
अन्त्यमा, म सम्पुर्ण राजनैतिक दलहरूलाई, नेतृत्वहरूलाई अनि कार्यकर्ताहरूलाई धैर्य धारण गर्न र यस्ता हिंसात्मक गतिविधिबाट विचलित नभई लोकतान्त्रिक प्रक्रियामा सहभागी हुन अपिल गर्दछु।
