16 वर्षपछि भारतीय तुन्सुङ ग्राम सडक मास्टिक रोडमा परिवर्तन

दार्जिलिङ,11 जनवरी(निसं): सन् १९८६ सालतिर निर्माण भएको तुङ्सुङ ग्रामको मूल सडक 45 वर्ष बितिसक्दा केवल एकपल्ट मात्र अलकत्रको कालो सडक बनेको थियो। यस्तो दुरावस्था तथा खाल्टाखुल्टी बनिसकेको सडकलाई गोर्खाल्याण्ड क्षेत्रीय प्रशासनका प्रमुख कार्यपाल अनित थापाले म्यास्टिक सडकको रूपमा परिवर्तन गरिदिएपछि क्षेत्रवासीले थापालाई धन्यवाद साथै उनको यस गुणलाई कहिले नभुल्ने कुरा क्षेत्रको पक्षमा ग्रामसेवक समिति का कोषध्यक्ष दिपंकर श्रेष्ठले जानकारी गराएका छन्। उनले यसबारे थप जानकारी गर्दै भनेका छन् गत २०११ सालमा गोर्खा जनमुक्ति मोर्चाको शासनकालमा यस सडकलाई अलकत्र सडकको रुपमा परिवर्तन गरिएको थियो। भने आज त्यसको 16 वर्षपछि भारतीय गोर्खा प्रजातान्त्रिक मोर्चाको शासनकालमा जिटिए मार्फत 1.75 किलोमिटर को सडक बनिरहेको छ। यस सडक साथसाथै यस सडकको किनारमा बक्स नाली अनि गत अक्टोबर महिनाको झरी वर्षमा गएका पाँचवटा पहिरो स्थलहरूमा सुरक्षा देवाल पनि लगाइनेछ।