खरसाङका दुई खेलाड़ी राज्यस्तरीय जुडो प्रतियोगितामा

खरसाङ, (मोहन प्रसाद): मार्शल आर्ट्स अनि फिट्नेस अकादमी खरसाङ्का दुई जुडो खेलाड़ी कलकत्तामा आयोजन हुनेे 52 औँ पश्चिम बंगाल राज्य जुडो च्याम्पियनशिप 2025 जुनियर सिनियक मेन-वुमनमा आफ्नो अंशग्रहण गर्न गइरहेको जानकारी अकादमीमा चेयरम्यान सन्दीप प्रधानले दिएका छन्‌‍। खरसाङ्मा पत्रकारहरूसित बोल्दै सन्दीप प्रधानले जनाए अनुसार, धेरै समयपछि राज्य सरकारको सम्बन्धित विभागद्वारा मान्यता प्राप्त राज्य जुडो च्याम्पयनशिपमा भाग लिन खरसाङबाट दुई खेलाड़ीहरू कृष्ण छेत्री अनि लेनिन्‌‍ राई कलकत्ता गइरहेका छन्‌‍। सन्दीप प्रधानले थप जनाए अनुसार, तिनले पाएको जानकारी अनुसार 1970 को दशकसम्म दार्जीलिङ पहाड़मा जुडो खेल्ने कतिपय खिलाड़ीहरू रहेका थिए। पछि कराते खेलको लोकप्रियता बढ़ेर गयो, जुडोलाई लिएर तिनको अकादमीले खोजी गर्दा तिनले थाह पाए कि दार्जीलिङ जिल्ला जुडो एसोसिएशन, सिलगड़ीको रंगपानीमा रहेको पाइयो। एसोसिएशनसित चर्चा-परिचर्चा गरेपछि अकादमीले गत केहि समयदेखि पहाड़मा पुन: जुडोलाई लिएर प्रशिक्षण कार्य गरिरहेको थियो। जुडो विषयमा धेरै कम मानिसलाई ज्ञान भएको हुनाले केही युवा-युवतीले तिनको अकादमीबाट प्रशिक्षण प्राप्त गरिरहेका छन्‌‍। यसरी तिनको अकादमीको दुई खेलाड़ीहरू आगामी 8 अगस्तदेखि 10 अगस्तसम्म कलकत्ताको खुदीराम अन्सुल्न केन्द्र भवनमा आयोजना हुने 52 औँ पश्चिम बंगाल राज्य जुडो च्याम्पियनशिप 2025 भाग लिन गइरहेका छन्‌‍। प्रधानले थप जनाए अनुसार, जुडो एउटा ओलम्पिकमा मान्यता प्राप्त खेल हो अनि सरकारद्वारा पनि मान्यता प्राप्त रहेको छ। यस खेलमा आफ्नो उत्कृष्ट प्रदर्शन दिने खेलाड़ीहरूको निम्ति सरकारबाट पनि धेरै सुविधाहरू प्रदान गरिन्छ। यस खेलको माध्यमले युवा-युवतीहरूले आफ्नो उज्जवल भविष्य बनाउन सक्ने छन्‌‍ भनी तिनले जनाए। तिनले थप जनाए अनुसार, तिनको अकादमीले चाँडै धनुकाँड़ अनि फेन्सिङ खेल माथि पनि प्रशिक्षण दिने योजना बनाई सकेको छ। वर्तमानमा दुई खेलाड़ीहरूलाई राज्य स्तरको प्रतियोगितामा तयारीको निम्ति प्रशिक्षण चलिरहेको छ।