दार्जीलिङ, 4 अगस्त(निसं): शारदेश्वरी सरकारी कन्या उच्च माध्यमिक विद्यालयलद्वारा से यस टु लाइफ नो ड्रग्स- जनचेतनामूलक अभियान व्यापक रूपमा आयोजना गरियो । यस कार्यक्रमको आयोजन दार्जीलिङ जिल्ला प्रहरी, भोटे बस्ती सेक्टरको सहकार्यमा गरिएको थियो।
कार्यक्रमलाई भोटे बस्ती सेक्टरका थाना प्रमुख (ओसी) सब-इन्स्पेक्टर विजय थामी, लेबोङ सेक्टर ओसी सब-इन्स्पेक्टर राम दावा आले, आशा होप फाउण्डेशन दार्जीलिङका अनिल सुब्बा, साइबर क्राईम कन्स्टेबल बिस्वजीत मल्लिक र मेघना सुब्बाले सञ्चालन गरिन्। यस अभियानमा जिल्ला क्रीम रेकर्ड ब्युरो दार्जीलिङका होम गार्ड भविन तामाङले पनि सहयोग पुर्याएका थिए भनी विद्यालयले जानकारी गराएको छ।
जिल्ला प्रहरीद्वारा आयोजित जनचेतनामूलक कार्यक्रम अन्तर्गत चोइस इज युवर्स र साङ्गेस जर्नी नामको छोटो चलचित्र प्रदर्शन गरिएको थियो जसले विद्यार्थीहरूलाई लागूपदार्थको प्रयोग र दुर्व्यसन सम्बन्धी जानकारी प्रदान गर्यो। यसका साथै मानव तस्करी, साइबर अपराध, बालश्रम, लागूपदार्थ तथा मनोउत्तेजक पदार्थ सम्बन्धी ऐन (एनडीपीएस एक्ट 1985), पोक्सो ऐन लगायत विभिन्न सामाजिक विकृतिहरूको बारेमा विद्यार्थीहरूलाई जानकारी दिइयो । शारदेश्वरी सरकारी कन्या उच्च माध्यमिक विद्यालयलद्वारा से यस टु लाइफ नो ड्रग्स जनचेतनामूलक अभियान व्यापक रूपमा आयोजना गरियो । यस कार्यक्रमको आयोजन दार्जीलिङ जिल्ला प्रहरी, भोटे बस्ती सेक्टरको सहकार्यमा गरिएको थियो।
विद्यालयका विद्यार्थीहरूले पनी, लागूपदार्थ सम्बन्धी छोटो नाटक एवं भाषण तथा नृत्य प्रस्तुत गरी कार्यक्रमलाई आकर्षक बनाए। विद्यालयमा सञ्चालन गरिएको उक्त जनचेतना कार्यक्रम विद्यार्थीहरूमा सन्देश फैलाउने दृष्टिले अत्यन्त सफल रह्यो। शारदेश्वरी सरकारी कन्या उच्च माध्यमिक विद्यालय यस महान् जनचेतना अभियानका लागि दार्जिलिङ जिल्ला प्रहरी र आशा होप फाउण्डेशनप्रति अत्यन्त आभारी छ। विद्यालयले भविष्यमा पनि अभिभावकलाई पनि सामेल गरेर यस्तो जनचेतनामूलक कार्यक्रम राख्ने इच्छा व्यक्त गरेका छन् ।
