चुङथुङ, 12 जुलाई (निसं): लोवर चुङथुङ उच्च माध्यमिक विद्यालयले यस वर्षदेखि औपचारिक रूपमा उच्चतर माध्यमिक विद्यालयको मान्यता प्राप्त गरेको विद्यालयका प्रधानाध्यापक राम तामाङले जानकारी गराए।
प्रधानाध्यापक तामाङले बताए अनुसार, शिक्षा मन्त्रालयबाट हालै प्राप्त अनुमति-पत्र प्राप्त भएको छ, जसमा विद्यालयमा शुक्रबारदेखि नै कक्षा एघारौंको भर्ना रजिस्ट्रेसन पनि भई सकेको उनले जनाए भने विद्यालयले कला बिषयमा, नेपाली , अंग्रेजी, भूगोल, इतिहास, सोसियोलजी, राजनिती, अर्थ शास्त्र, एजुकेशन विषयको पठन पाठन गरिने पनि जानकारी दिए।
स्थानीय अभिभावकहरूको लामो समयदेखि रहेको माग शिक्षक–शिक्षिकाको समर्पण, विद्यार्थीको मेहनत, तथा विद्यालय व्यवस्थापन समितिको पहलले आज यो उपलब्धि सम्भव भएको उनले अवगत गराए। स्थानीय तह, शिक्षा विकास तथा समन्वय एकाई र अभिभावकहरूले यो उपलब्धिलाई ठूलो सफलता र अवसरको रूपमा लिएका छन् भने अब विद्यार्थीहरूलाई उच्च शिक्षाका लागि टाढा जानु नपर्ने भएकोले स्थानीय मानिसहरूमा खुसीको वातावरण छाएको प्रधानाध्यापक तामाङले बताए।
