लाख रुपियाँको दाता जीवजन्तु प्रेमी दिवश

दार्जीलिङ,11 जुलाई(निसं): प्राणी जगतको कल्याण हेतु एक लाख रुपियाँको दान गरेको हुँ। जंगली पशुप्राणी, माछा अनि चराचुरुङ्गीहरुले पोखरीमा खेल्ने ठाउँ पाऊन् भन्ने मेरो सोच हो। अर्कोतिर पोखरी बनाउने तत्पर साथी भाइहरुलाई यो मेरो आर्थिक सहयोग पनि हो। नगद एक लाख रुपियाँको चन्दा दिने दिवस शर्माले यसो भनेका हुन्। पेशाले वन कर्मी 6 माईल बजारवासी दिवस शर्माको अर्को परिचय एकजना जीवजन्तु प्रेमीको पनि हो। सानो चिँडियाघरजस्तो लाग्ने उनको घर पालुवा जीवजन्तु भरिएको छ।
पछिल्लो दुई महिना लामो श्रमदान अनि चन्दा संग्रह गरेर चलिरहेको 6 माईल पोखरी जीर्णाद्धार कार्यमा सहयोग पुर्याउँदै उनले सर्वाधिक एइ लाख नगद अनुदान गरेपछि पोखरी संरक्षण समिति र जेएमसीको योजनाले छलाङ पार्न टेवा पुगेको विजय प्रधानले बताएका छन्।‌