मजुवा, 6 जुलाई(निसं): सिङ्गबुङ्ग डेरा मौजा विद्युत उपभोग समिति गठन गर्दै एक औपचारिक सभाको आयोजना गर्यो। कमल कुमार राईको सभापतित्वमा सम्पन्न सभामा मजुवा ग्राम वार्ड नम्बर 1 का सदस्य मोहन राईको विशेष उपस्थितिमा सिङ्गबुङ्ग डेरा मौजा अन्तर्गत रहेको 16 वटा डीटीआरका उपभोक्ताहरूले आ-आफ्नो समस्याहरू सभामा राख्दै, विद्युत अनियमितताको अवश्यकतालाई सबै मिलेर निराकरण गर्नु पर्छ भन्ने विचारहरू पोखे।
उक्त विषयहरूलाई समिक्षात्मक चर्चा गर्दै प्रत्येक डीटीआर-का दुई-दुइजना उपभोक्ताहरूलाई लिएर सिङ्गबुङ्ग डेरा मौजा विद्युत उपभोग समितिको गठन गरियो। जसमा दुइजना संयोजकको नियुक्तिमा प्रथम कमल कुमार राई अनि दोस्रो दिलन सुब्बा लगायत 34 जनाको उपभोक्ता समितिलाई चयन गरिएको छ।
बिजनबारी अन्तर्गत जडान बिजुली बत्तीको अनियमिततामा मजुवा ग्रामका उपभोक्ताहरू केही दिनदेखि आन्दोलित रहेको थियो भनी समितिले बताएको छ। आज बसेको सभामा स्पष्ट भएपछि मजुवा ग्राम सिङ्गबुङ्ग डेरा मौजा अन्तर्गतका उपभोक्ताहरूमा कतिपय सुझबुझ नभएको पनि बताइएको छ भने उपभोक्ताहरुलाई असुविधा भएको एचटी लाइनमा जम्पर-को समाधान साथै लाइनमेन-हरू आदिको कमीलाई महशुस गरियो। जसमा सबै समस्याहरू समाधान हेतु मागहरू माथिल्लो स्तरमा चडाई सकिएको संयोजक राईले जनाए। अबोप्रान्त कतिपय समस्याहरू क्षेत्रिय स्तरमा पहल गर्नु पर्ने कुराहरू संज्ञानमा लिईसकेको बताए। अप्पर सिङ्गबुङ्ग डेरा सार्वजनिक भवनमा सम्पन्न सभालाई मन प्रशाद सुब्बाले सञ्चालन गरेका थिए।
