दार्जीलिङ,20 जुलाई (निस): नारी हस्ताक्षर रुपा लामाकृत दुईवटा कृतिहरू अनि म्युजिक भिडियो रुमाले डाँडाको विधिवत लोकार्पण गरियो।
पत्रकार सबिता संकल्पद्वारा विधिवत रूपमा सञ्चालन गरिएको यस कार्यक्रममा रुपा लामाद्वारा लिखित कथा संग्रह कथा यात्रा, विपनाले जन्माएको सत्य सपनाहरू(आध्यात्मिक कृति)को विधिवत लोकार्पण गरिएको छ।
आज विधिवत लोकार्पण गरिएको म्युजिक रुमाले डाँडाको निर्मात्री ऐश्वर्य कार्की रहेको छ, गायक प्रवेश प्रधान अनि संगीतकार विनय सेवा रहेका छन्।आजको कार्यक्रममा परिवार पक्षबाट नगेन्द्र गोर्खा, प्रतिक प्रधान, याङ्जी डोमा रहेको थियो भने उपस्थित अतिथिहरुमा क्रमैसँग मिलन बान्तवा, सन्जोग खवास, प्रदीप छेत्री, विनय सेवा, के बी गुरुङ, रमादेवी शर्मा, सुबोध गुरुङ, धीरज धैर्य, टीका खवास गुरुङ आदि रहेका थिए। उत्तर कार्यक्रमलाई सम्बोधनमा राख्दै मिलन भान्तावादी रूपा लामाकृत दुईवटा कृतिमाथि आफ्नो सारांशित वक्तव्य राखे भने म्युजिक भिडियो रुमाली डाँडा माथि संगीतकार प्रदीप क्षेत्रीले आफ्नो भनाइ राखेका थिए। कृतिकार रुपा लामाले आफ्ना यी दुई कृतिहरू सायद अन्तिम हुन सक्छ भन्ने संकेत दिँदै आफ्ना दुई कृति अनि म्युजिक भिडियो रुमाले डाँडा-माथि रहेका विषय तथ्यहरूलाई प्रकाश पार्दै आफ्नो मन्तव्य राखिन्।
