श्रमिकहरूको हितको निम्ति हामी सबै एकबद्ध हुन जरूरी छ: डी के गुरूङ हाम्रो हिल तराई डुवर्स चियाबारी श्रमिक संघले तराई डुवर्स क्षेत्रको श्रमिक संगठनहरूसंग एकबद्ध भएर श्रमिकहरूको हितमा कार्य गर्ने भएको छ। इण्डियन गोर्खा जनशक्ति फ्रण्टको श्रमिक संगठन हाम्रो हिल तराई डुवर्स चियाबारी श्रमिक संघको केन्द्रीय अध्यक्ष डी के गुरूङ र कार्यालय सचिव भीम सुनामले तराई डुवर्स क्षेत्रको श्रमिक संगठनहरूसंग बैठक गर्यो। तीन घण्टा भन्दा लामो समय सम्म चलेको बैठकमा हाम्रो हिल तराई डुवर्स चियाबारी श्रमिक संघले तराई डुवर्सको श्रमिक संगठनहरूसंग मिलेर श्रमिकहरूको हितमा काम गर्ने निर्णय लिएको जानकारी अध्यक्ष गुरूङले दिएको छ।
हाम्रो हिल तराई डुवर्स चियाबारी श्रमिक संघको संगठन दार्जीलिङ पहाडसंग संगै तराई डुवर्सहरूमा पनि रहेको हुनाले तराई डुवर्स क्षेत्रका श्रमिकहरूको हितमा काम गर्न हामीले तराई डुवर्सको जोइन्ट फोरम तथा श्रमिक संगठनहरूसंग मिलेर काम गर्ने निर्णय लिएको हो।पहाड तथा तराई डुवर्स चिया बगानहरूमा कार्यरत श्रमिकहरूको विभिन्न प्रकारको समस्याहरू छन् जस्तै पी एफ को समस्या,ग्रेचुटी नपाएको गुनासो, दैनिक रोजी भूक्तान नगरेको,मासिक वेतन भूक्तान नगरेको आदि जस्ता धेरै समस्याहरू छन् यी सबै समस्याहरूको समाधानको मार्ग निकाल्न एकबद्ध हुन जरूरी रहेको छ।
त्यसरीनै चिया श्रमिकहरूले विगत धेरै दिन अघिदेखि मिनिमम वेजेसको मांग गर्दै आइरहेको छ,घर जमीनको पर्जा पट्टा आदि जस्ता विषयहरूको तहतसम्म पुग्न हामी सबै एकबद्ध हुन अति नै जरूरी रहेको अध्यक्ष गुरूङले दोहोराए। वर्तमानमा सरकारले प्रधानमंत्री आवास योजना आदि जस्ता विषयहरूको निम्ति फन्ड जारी गरेका छन्,यस विषयमा चर्चा परिचर्चा गर्न भोली मंगलबार जिल्लाधिकारीले पन्जीकृत श्रमिक संगठनहरूलाई बैठकमा निम्ताएको छ।आजको बैठकमा यी सबै विषयहरूमाथि गहन चर्चा परिचर्चा भयो अनि हाम्रो हिल तराई डुवर्स चियाबारी श्रमिक संघले आफ्नो पक्ष राख्यो साथै भोली मंगलबार सम्पन्न हुने बैठकमा आफुहरूले जिल्लाधिकारीलाई छुट्टै ज्ञापन पत्र चढाउने पनि अध्यक्ष गुरूङले बताए।तिनले अघि भने चिया बगानहरूमा अहिले सबै भन्दा ठूलो समस्या पी एफको समस्या भएको छ। यौ पी एफको समस्याको कारणले गर्दा लङभ्यु चिया बगानको श्रमिकहरूले संघर्ष गर्दै आइरहेको छ।
चिया श्रमिकहरूको समस्याहरूलाई समाधान गर्न समस्त श्रमिक संगठनहरू एकबद्ध हुन जरूरी रहेको हाम्रो हिल तराई डुवर्स चियाबारी श्रमिक संघको अध्यक्ष डी के गुरूङले बताएका छन्।
