महासंघले जनजाति माग कोट्याउदै विष्टसित भेट

दार्जीलिङ,26 जून(निसं): बुधबार, गोर्खा भारतीय जनजाति महासंघको अध्यक्ष एमएस राईको 
अगुवाइमा उपाध्यक्ष सचेन राई दुमी, सहसचि उमेश मुखिया अनि महेन्द्र भुजेलको एउटा प्रतिनिधि मण्डलले दार्जीलिङका 
सांसद राजु विष्टलाई उनको कार्यालयमा भेटघाट गरे । गत विधान सभा चुनावमा भाजपा पार्टीको अभूतपूर्व जितमा उनको
 महत्वपूर्ण भुमिकाको रहेकोमा प्रशंसा गर्दै एउटा बधाई पत्र अर्पण गरे। गोर्खा भारतीय जनजातिमाथि विश्वास गरेर गत 16
 जुनको दिन मुख्यमन्त्री शुवेन्धु अधिकारीको खर्साङ भ्रमण कार्यक्रमलाई सफल पार्न विभिन्न जातीय संस्थाहरूलाई संयोजन 
गरि कार्यक्रममा उपस्थित गराई दिने अभिभारा सुम्पिएकोमा साथै मुख्य मन्त्रीलाई व्यक्तिगत रूपमा बधाई टक्राउने अवसर
 प्रदान गरि दिएकोमा पनि सांसदलाई विशेष धन्यवाद टक्राए । अन्तिम क्षणमा सूचित गरिएता पनि दार्जीलिङ अन्तर्गतका 
विभिन्न जातगोष्ठीहरूमा भुजेल, गुरुङ, खस, खम्बु राई, मंगर, नेवार, सुनुवार मुखिया, थामी, जोगी, याक्खा देवान, धिमाल,
 तामाङ, लेप्चा, लिम्बु, शेर्पा, भुटिया, सार्की, विश्वकर्म, ख्रिष्चियन- आरसी अनि सीएनआई, विहारी, मारवाडीलगायत
 बंगालीहरू उपस्थित रहेर उक्त कार्यक्रमलाई सफल पारिदिए वापत सम्पूर्ण जातीय संघ-संस्थाहरूलाई गोर्खा भारतीय
 जनजाति महासंघको पक्षबाट आभार प्रकट गर्दछ। अब छोडिएका 11 जातगोष्ठीलाई अनुसूचित जनजातिको मान्यता 
दिलाउन कुनै अड्चन नरहेको हुँदा यथाशिघ्र यस विषय सक्रीय पहल गरिदिने अनुरोध गर्दै एउटा ज्ञापनपत्र पनि अर्पण गरे ।
 यस सौहार्दपुर्ण भेटघाटमा सांसदले जनजाति माग विषय गोर्खा भारतीय जनजाति महासंघको निष्ठा र सक्रिय भुमिकाको 
प्रशंसा गर्दै उनले यो मुद्दाले अवश्य अनि यथाशिघ्र न्याय पाउने कुरा प्रतिनिधि समक्ष दोहराये। यसै सन्दर्भमा गोर्खा भारतीय
 जनजाति महासंघले चाँडै एउटा महत्वपूर्ण कार्यक्रम आयोजन गर्ने निधो गरिएको जानकारी महासचिव अमिट
 थापामंगरले दिएका छन् ।