अजयद्वारा समाज घर निर्माण

दार्जीलिङ,20 अप्रेल(निसं): रेलिङ–कैजले समष्टि अन्तर्गत पर्ने रेलिङ ग्राम पञ्चायत अधीनस्थ रेलिङ होमडाँडामा प्रकृति समाज-को समाजघर
 निर्माण कार्य सफलतापूर्वक समाप्त भएकोछ। लामो समयदेखि आवश्यक रहेको उक्त समाजघर आज पूर्ण रूपमा तयार भएसँगै 
स्थानीयवासीहरूमा खुसीको माहोल छाएको छ भनी इण्डियन गोर्खा जनशक्ति फ्रन्ट मिडिया सेलले जानकारी गराएकोछ। सेलको
 जानकारी अनुसार,केही महिना अघि बिजनबारी खण्ड संयोजक भरत तामाङको समष्टि भ्रमणका क्रममा समाजका
 सम्पूर्ण सदस्यहरूले एकजुट भई नयाँ समाजघर निर्माणको प्रस्ताव अघि सारेका थिए। गाउँमा आवश्यक आधारभूत पूर्वाधारको
 अभाव रहेको उल्लेख गर्दै समाजले आफ्नो समस्यालाई स्पष्ट रूपमा राखिको थियो। उक्त प्रस्ताव पछि अजय एडवर्ड्ससम्म पुगेपछि 
समाजका प्रतिनिधिहरूले उहाँसँग प्रत्यक्ष भेटघाट गर्ने निर्णय गरेका थिए।
भेटघाटका क्रममा समाजका सदस्यहरूले आफ्नो आवश्यकता र अपेक्षा विस्तारमा राखेका थिए। सोही क्रममा अजय 
एडवर्ड्सले कुनै ढिलाइ नगरी समाजघर निर्माण गरिदिने प्रतिबद्धता व्यक्त गर्नुभएको थियो। उनको सकारात्मक सोच र दृढ
 प्रतिबद्धतापछि समाजमा नयाँ आशा र उत्साह थपिएको थियो।
आज उनको पहल र सहयोगमा उक्त समाज घर निर्माण कार्य पूर्ण रूपमा सम्पन्न भएको जानकारी गराउँदै प्रकृति
 समाज-का सम्पूर्ण सदस्यहरूले हर्ष व्यक्त गरेका छन्।