दार्जीलिङ,20 अप्रेल(निसं): पहाडमा परिवर्तन आउँदैछ। जनताले सही पार्टी, सही नेता र सही सिद्धान्तलाई अँगालेका छन्। उनले अनित थापाको नेतृत्वको प्रशंसा गर्दै भने कि थापाको सोच र सिद्धान्तकै कारण पहाड शान्तिको मार्गमा अघि बढेको छ र आगामी दिनमा यो क्षेत्र झनै शान्तिमय बन्नेछ भनी भारतीय गोर्खा प्रजातान्त्रिक मोर्चा (बीजीपीएम) समर्थित उम्मेदवार विजय कुमार राईले जनसम्बोधन भनेका छन्।
आगामी 23 अप्रिलमा हुन लागेको विधानसभा निर्वाचनको सन्दर्भमा भारतीय गोर्खा प्रजातान्त्रिक मोर्चा (बीजीपीएम) समर्थित उम्मेदवार विजय कुमार राईले दार्जीलिङ पहाडका मतदाताहरूलाई सम्बोधन गर्दै आफ्नो पार्टीको विजयप्रति दृढ आत्मविश्वास व्यक्त गरे।
सम्बोधनको क्रममा राईले भने,युवाहरूको रोजगार समस्यालाई उठाउँदै राईले भने, आजको दिन रोजगारका लागि हाम्रा युवाहरू सिलगढी झर्न बाध्य छन्। अब हामी पहाडमै रोजगारको अवसर सिर्जना गर्ने संकल्प लिएका छौं। उनले आफ्नो संकल्प पत्रका हरेक बुँदा इमानदारीपूर्वक कार्यान्वयन गर्ने प्रतिबद्धता पनि व्यक्त गरे।
राईले दार्जीलिङको आर्थिक मेरुदण्ड मानिने चियाबारीको मुद्दालाई सर्वोच्च प्राथमिकता दिइने बताए। साथै दार्जिलिङ हिमालयन रेलवे (डीएचआर)-को सन्दर्भमा उनले भने,यो हाम्रो धरोहर हो, तर यसलाई ट्याक्सी सरह चलाउने व्यवस्थाले हाम्रा चालक दाजुभाइहरूलाई अन्याय गरेको छ। यो अब सहन गरिने छैन।
बीजेपी(भारतीय जनता पार्टी) माथि तीखो प्रहार गर्दै राईले भने, बीजेपीले पहाडलाई दीर्घकालसम्म धोका दिएको छ। त्यस धोकाको जवाफ पहाडबाट कमल हटाएर दिनुपर्छ। उनले थपे,यो पहाड गुराँस फुल्ने पहाड हो, यहाँ कमल फुल्न दिइने छैन।
सम्बोधनको अन्तमा राईले भावुक हुँदै भने, आगामी 23 अप्रेल जनताले टर्च लाइट चिह्नमा मत हालेर आफ्नो आक्रोश प्रदर्शन गर्नेछन्। यो जित विजय कुमार राईको जित होइन,यो सम्पूर्ण पहाडको जित हुनेछ। दार्जीलिङ पहाडमा मतदान आगामी 23 अप्रेलमा हुनेछ।
