चुङथुङ,21 मार्च(निसं): भरतीय गोर्खा प्रजातान्त्रिक मोर्चा(बीजीपीएम) चुङथुङ- मेरिबुङ-तामसाङ समष्टि अहिले सक्रिय रूपले अघि आएकोछ। यस विधान सभा चुनावमा आफ्नो उम्मेदवार बिजय कुमार राईलाई विजयी तुल्याउन समष्टिले निरन्तर रूपमा सभा गर्ने र कमिटी गठन गर्ने कार्यक्रम गरिरहेको छ। यस सन्दर्भ लोवर चुङथुङ अन्तर्गत बुथ नम्बर 23/64 कोे एक बैठक विकाश तामाङको सभापतित्वमा सम्पन्न भयो। यस सभामा विशेष रूपमा सभासद सन्दीप क्षेत्री कर्मध्यक्ष, अरुण छेत्री लगायत चुङथुङ ग्राम पञ्चायत सदस्य छुमिला लेप्चा आदिको विशेष उपस्थिति रहेको थियो।
सभामा बीजीपीएम सिरिसे प्रशाखा गठन गरियो। प्रशाखा कमिटीमा पदाधिकारीहरू यसप्रकारले चयन गरियो भने सभापति बिधान लामा,उप-सभापति नोर्देन तामाङ,सचिव सचिन तामाङ,सह-सचिव सुदेश तामाङ,कोषाध्यक्ष गंगा तामाङ अनि 20 जना कार्यकारिणी सदस्यहरुलाई लिएर कमिटी गठन गरियो। यसदिन समष्टि सभासद सन्दिप छेत्रीले आ-आफ्नो जिम्मेवारी अनुसार सक्रिय रूपमा कार्य गर्नु पर्ने सुझाव दिए। आगमी 23 अप्रेल हुने विधान सभा चुनावमा हर तरहले बुथ तथा उम्मेदवार बिजय कुमार राईलाई विजयी गराउनु पर्ने उनले सुझावहरु राखे। बैठकमा सबै सदस्यहरूले आ-आफ्नो धारणा राख्दै आगामी चुनावमा आफ्नो पार्टीलाई प्रभावकारी बनाउन पदाधिकारी लगायत सबै एकजुट भएर अघि आउनु पर्ने मन्तव्य राखे।
