एसआइआर-ले गोर्खालाई अझ मास्ने काम गर्दैछ : विजय कुमार राई

दार्जीलिङ,29 जनवरी(निसं): भारतीय गोर्खा प्रजातान्त्रिक मोर्चा(बीजीपीएम) पार्टीका आगामी विधानसभा चुनावी उम्मेदवार विजय कुमार राईले समष्टि प्रतिनिधिहरु साथै कार्यकर्ताहरुसितको भेटमा उपस्थित समुहलाई सम्बोधनमा एसआइआर(स्पेसियल इन्टेन्सिभ रिभिजन) माथि बोल्दै भने, बीजेपी सरकारले एसआइआर- को नाममा गोर्खाको इति भएको जनसंख्यालाई पनि मास्ने प्रयत्न गर्दैछ। अल्प संख्यक गोर्खालाई अझ मास्ने काम गर्दैछ। रल यस्तो बीजेपी-लाई अझ भोट दिने? प्रश्न राख्दै, यसको उदाहरण म स्वयं भएको छु। दार्जीलिङ नगरपालीकाको एक नम्बर नागरिक अमर सिंह राई जो एक समय नगरपालिकाका अध्यक्ष थिए, विधायक थिए, लाई सम्म एसआइआर- को हियरिङ मा बोलाइयो। मेराे परिवारको सदस्य समेतलाई बोलाईएको छ। बीजेपी-ले अहिले टुक्रे-टुक्रे पार्टीहरु मिलाएर जुन ग्याङ बनाउदैछ यसबाट हामी सचेत हुनुपर्छ। कार्यक्रममा बीजीपीएम-को सोच,कार्यशैली अनि प्रभावलाई अङ्गाल्दै जीएनएलएफ,आइजीजेएफ-बाट 22 घर बीजीपीएम पार्टीमा सामेल भएका छन्। उनीहरूलाई पार्टी अध्यक्ष अनित थापाको उपस्थितिमा पार्टीमा स्वागत गरियो। सामेल कार्यक्रम दार्जीलिङ जज बजार स्थित पार्टी कार्यलयमा सम्पन्न भयो।