दार्जीलिङ,29 जनवरी(निसं):भारत सरकारद्वारा मनोनीत इन्टरलक्युटर-शीत दार्जीलिङ भित्रिएका दार्जीलिङ लोकसभा सांसद राजु विष्टलाई अनित थापाकाे चुनौती दिँदै,बंगाल बीजेपी(भारतीय जनता पार्टी)-ले राज्यको मेनिफेस्टोमा गोर्खाल्याण्ड दिन्छु भनोस् भनी बीजीपीएम(भारतीय गोर्खा प्रजातान्त्रिक मोर्चा) अध्यक्ष अनित थापा भनेका छन्।
समष्टिका प्रतिनिधिहरूलाई भेट्ने क्रममा बुधबार दार्जीलिङको केन्द्रीय पार्टी कार्यालयमा बीजीपीएम अध्यक्ष अनित थापाले ऋषिहाट-ब्लुमफिल्ड समष्टिका प्रतिनिधिहरुसँग भेटघाट गरे। यस भेटको क्रममाबीजीपीएम अध्यक्ष अनित थापाले सांसद राजु विष्टको इनटरलक्युटर-लाई भेट्ने आग्रहलाई केन्द्र गर्दै भने, सांसद राजू विष्टले मलाई इनटरलक्युटर भेट्न आग्रह गरेको सुने। इनटरलक्युटर-लाई भेटेर गोर्खाल्याण्ड हुन्छ कि संसदमा बहस गरेर हुन्छ? ठीक छ म राजु विष्टको आग्रहलाई मान्छु तर पहिला राजु विष्टले विधान सभाको चुनावमा बीजेपीको राज्यको मेनिफेस्टो(चुनावी घोषणा पत्र)-मा बंगाल विभाजन गरेर गोर्खाल्याण्ड बनाउँछु भनेर घोषणा गरेर लेखोस्, राजु विष्टले मलाई जहाँ गएर इनटरलक्युटर गएर भेट्नु भन्छ, म उ सँग नै गएर भेट्नेछु।
थापाले अझ भने,इनटरलक्युटर- को राजनीति हुँदैछ। यो बीजेपीको चुनावी रणनीति हो। गत 2009 सालमा पनि इनटरलक्युटर आएको हो। तर त्यो समय इनटरलक्युटर- ले आएर के गर्यो कसैले सोध्दैन।यसपाली मान्छेले राजनीति बुझेछ। इनटरलक्युटर कहिले आउँछ? जतिबेला क्षेत्रमा झगडा , तनाव, अशान्ति भएको हुन्छ। तर अहिले पहाडमा गणतन्त्र छ। शान्ति छ। यस्तो परिस्थिति अनि चुनाउको छेउमा इनटरलक्युटर आउने कारण नै देख्दिन।उनले अझ भने, सांसद राजु विष्टलाई पहाडले गोर्खाल्याण्डको निम्ति म्यान्डेट दिएको हो। इनटरलक्युटर भन्दा पनि ठूलो सांसद हुन? केन्द्रले राजु विष्टको कुरा नसुनेको हो? थापाले प्रश्न राखे।
