गत केही दिन अघि गोर्खा राष्ट्रिय कांग्रेसका दुई सदस्यीय टोलीले भारत सरकारद्वारा मनोनित मध्यस्थकर्ता पंकज कुमार सिहंलाई भेट गरेको थियो।
भेटवार्ता पश्चात गोर्खा राष्ट्रिय कांग्रेसका सुवोध पाखरिनले पत्रकार भेलालाई सम्बोधन गर्दै उनले भने- “हामीले मध्यस्थकर्तालाई भन्यौं, यदि गोर्खाल्याण्ड राज्यको मांग गर्यौं भने नेपालतिर झुकाव देखिन्छ। यसोभन्दा मध्यस्थकर्ताले यस कुरालाई मानिलिएको बताए।”
सुवोध पाखरिनको यस वयानको म कड़ाभन्दा कड़ा शब्दहरूद्वारा निन्दा गर्दछु। म प्रश्न गर्छु सुवोध पाखरिनलाई कि गोर्खाजातिले गोर्खाल्याण्ड राज्यको मांग गर्दा कसरी अनि कुन आधारहरूमा नेपालतिर झुकाव भएको छ ? यतिका वर्षहरूसम्म गोर्खाल्याण्डको आवाज सड़कदेखि संसदसम्म पुग्दा कुनै समयपनि “नेपाल झुकाव” को विषय कतैबाट उठेका थिएनन्। तर आज कसरी पाखरिनबाट उठ्दैछ??? यसोसले गोर्खा राष्ट्रिय कांग्रेस अनि सुवोध पाखरिनले जुन “नेपाल झुकाव” बारे पुर्ण तथ्याकंहरूसहित सर्वसाधारण अघि प्रमाणित गर्न म आग्रह गर्दछु।
गोर्खा राष्ट्रिय कांग्रेसले आफनो मुद्दालाई सही साबित गर्न यस्तो संवेदनशील अनि भावनात्मक विषयलाई लिएर झुटो कुराको सहारा लिनु अति निन्दनीय विषय हो। गोर्खा भएर करोड़ौं गोर्खाहरूको मांगलाई यसरी अर्को देशसित जोड़ेर विवादास्पद बनाउने षड़यन्त्रको म घोर आपति जनाउँदछु।
कालो झण्डा र विरोध त गोर्खा राष्ट्रिय कांग्रेस अनि सुवोध पाखरिनको गरिनुपर्ने हो जसले “नेपाल झुकाव ” बारे प्रथमतः बोले। बाहिरकोलाई किन थाल ठटाउनु, घरकोलाई पो ढोल ठटाउनुपर्ने हो त !
