सृजनात्मक वैचारिक मञ्च रुम्तेक सिक्किमको आठौं वार्षिकोत्सव दुर्गामन्दिर रुम्तेकको प्रेक्षागृहमा मुख्य अतिथि श्रीमती सोनाम छोडेन भोटियाको उपस्थितिमा सम्पन्न भयो। मुख्य अतिथिको कार्यक्रम स्थलमा आगमनमा उनलाई स्वागत गरियो। यसलगत्तै यसपछि प्रेक्षागृहभित्र मञ्चका महासचिव गणेश भण्डारी एवं प्रचार सचिव कृष्णा कृतिको छरितो फुर्तिलो र रसिलो उद्घोषणको सर्व उपस्थित मान्यजनहरूद्वारा मुग्ध कण्ठले प्रशंसा भएको थियो। विविध सांस्कृतिक कार्यक्रमहरूको झलककासाथ लामो समयदेखि मञ्चलाई सहयोग, मार्गदर्शन, मञ्चमा सक्रिय सदस्य रही सेवा पुर्याउने तीन कार्यकर्ताहरूलाई अंग वस्त्र ओढाउँदै सम्मान जनाइयो भने सिक्किमेली नेपाली साहित्यमा कलम चलाउँदै सन् 2024 को साहित्य अकादमी पुरस्कारद्वारा सम्मानित कथा संग्रह छिचीमिराका सर्जक युवा बराल अनन्तलाई पनि मञ्चले अभिनन्दन गर्दै सम्मान गरेको थियो।
सृजनात्मक वैचारिक मञ्चको यस कार्यक्रमको निम्तोलाई शिरोधार्य गर्दै यथा समयमा उपस्थित भई कार्यक्रमको साक्षी बनिदिने स्थानीय एवं स्नेही मनहरूलाई मञ्चको तर्फबाट धन्यवाद दिइयो। सृजनात्मक वैचारिक मञ्च यो कुनै एकल व्यक्तिको होइन अपितु यो समूहको साझा सम्पत्ति हो भन्ने भाव सबैको मनमा लागोस् यही आयोजकहरूको ध्येय रहेको छ। केवल कविता लेख्नेहरको मात्र यो संस्था होइन, केवल कविहरूको भीड पनि यो मञ्च होइन तर यो मञ्च उनीहरू सबैको हो जसले आफ्नो कला कौशल, अनुभव, ज्ञान एवं सामाजिक चेतना लिएर केही न केही सृजना गरिरहन्छन्, समाजलाई मार्ग निर्देशन गर्दछन् , विचारहरूको प्रसार गर्दछन् र भावी पीडीलाई एक असल नागरिक बन्नमा सहयोग गर्दै वैचारिक विवेकको निर्माण गर्दछन् उनीहरू सबैको निमित्त यो मञ्च जानकारी गराइएको थियो।
