दार्जीलिङ,23 जनवरी(निसं): परेको बेला सहयोग गर्न पछि नपरौ भन्ने मुलमन्त्रको साथमा रोजगारको निम्ति सिमापार इजरायल पुगेका गोर्खा युवाहरुको सङ्गठन इन्डियन गोर्खा कम्पनी इज्राएली केयर फाउण्फेसनले एक उदारणीय कार्य गरेको छ भने संस्था एक गरिब परिवारको छहारी बन्न सफल भएको छ।यसै क्रममा इण्डियन गोर्खा कम्पनी इजरायल फाउण्डेसनको मुख्य सहयोग तथा एचटीभी खरसाङको विशेष पहलमा निर्माण गरिएको दार्जीलिङ-पुलबजार खण्ड आधीनस्थ चुङथुङ ग्राम पञ्चायतको लोवर चुङथुङमा रहेको बढाटार निवासी कुमार लिम्बु उर्फ खड्कबहादुर लिम्बुको नयाँ घर निर्माण पुरा गरि सोमबार हस्तान्तरण गरिएको छ।
उक्त दम्पत्ति पति कुमार लिम्बु र पत्नी डोमा तामाङको अत्यन्तै जीर्णावस्थामा रहेको खबरलाई सोसियल मिडियामा देखेपछि उक्त जीर्णावस्थामा रहेको घरलाई नयाँ मरमत्तिको लागि पहल गरिएको थियो भनी जानकारी प्राप्त भएकोछ।जानकारी अनुसार, संस्था ईण्डियन गोर्खा कम्पनी इजरायल फाउण्डेसनको सहयोगमा निर्माण गरिएको छ। उक्त नयाँ घरको उदघाटन गरेर गृह प्रवेस गराइएको छ।
