लामा गाउँ,17 जनवरी(निसं): दार्जीलिङ,16 जनवरी(निसं): छुजाचेन स्पोर्ट्स एकाडमी महिला वर्ग अनि एमएफसी मानेभञ्ज्याङ पुरुष वर्गको सेमिफाइनल प्रवेश गरेकोछ। छुजाचेन स्पोर्ट्स एकाडमी सुपर गल्सतर्फ तथा एमएफसी मानेभञ्ज्याङ लामागाउँ गोल्डकपको पुरुषतर्फको सेमिफाइनल प्रवेश गरेको छ।
लामागाउँ वेलफेयर सोसाइटी लामागाउँद्वारा बिहीबार आयोजित भिन्नभिन्न खेलमा बिजयी बन्दै यी दुई दल प्रतियोगिताको सेमिफाइनल प्रवेश गरेको हो। यसैबीच सुपर गर्ल्स गोल्ड कप फूटबल टुर्नामेण्टको चौथो संस्करणमा छुजाचेन स्पोर्ट्स एकाडमी (सीएसए), सिक्किमले टुर्नामेण्टको दोस्रो क्वार्टर फाइनल म्याचमा केजी फूटबल एकाडमी विरुद्ध 3-0 गोलको फराकिलो जीत हासिल गर्दै प्रतियोगिताको सेमिफाइनलमा प्रवेश गरेको हो।
सेभेन ए साइड प्रारूपमा हुने टुर्नामेण्टमा जम्मा 8 वटा टीमले हिस्सा लिएका छन भने टुर्नामेण्टको फाइनल आगामी 31 जनवरीमा हुनेछ। यसैगरी मानेभञ्ज्याङ एफसी ट्राइ ब्रेकरमा रोमाञ्चक जीतको साथ सेमिफाइनलमा प्रवेश गरेको छ। निकै रोमाञ्चक भएको दोस्रो क्वार्टर फाइनल म्याचमा मानेभञ्ज्याङले कुमार स्पोर्टिंग क्लब सिक्किम विरुद्ध पेनल्टी शूटआउटमा 6-5 गोलले जीत हासिल गऱ्यो।
खुबै प्रतिस्पर्धात्मक भएको खेलको निर्धारित समयमा स्कोर 3-3- को बराबरीमा रहेपछि खेल अतिरिक्त समय हुदै ट्राइ ब्रेकरमा पुगेको थियो जहाँ कुमारमाथी मानेभञ्ज्याङ भारी परेको थियो। विजेता टीमका अनिवेश राईलाई प्लेयर अव् द म्याच घोषित गरियो। सेभेन ए साइड प्रारूपमा हुने टुर्नामेण्टमा जम्मा सोह्रवटा टीमहरुले हिस्सा लिएको थियो भने टुर्नामेण्टको समापन आगामी गणतन्त्र दिवसमा हुनेछ।
