क्रामाकपा श्रमिक संगठनका नेता सुनिल राईले सांसद राजु बिष्ट अनि भारतको चुनाव आयोगप्रति आभार व्यक्त गरेका छन्। सांसद राजु बिष्टकै अपीलमा सम्पूर्ण चिया बगानहरूमा बसोवास गर्ने श्रमिक जनसाधारणको निम्ति पश्चिम बंगाल चुनाव आयोगले एस.आई .आर. प्रक्रियाको कागजातमा छुट दिएर बगान कार्यरत प्रूफ, घरको होल्डिङ्ग नम्बर, पी. एफ. नम्बर आदिलाई चिया बगान वासीहरूको निम्ति एस.आई .आर. को निम्ति वैध प्रमाण घोषणा गराइदिएकोमा हामी चिया श्रमिकको पक्षबाट आदरणीय सांसद साथै भारतको चुनाव आयोगप्रति आभार व्यक्त गरेको बताए।
विशेष दार्जीलिङ पहाडमा राजु बिष्ट सांसद भएर आएदेखि नै चियाबारी श्रमिकहरूको निम्ति धेरै कार्यहरू गर्दै आएको जग जाहेर छ। उनकै पहलमा 4 वटा श्रम कोडहरू श्रमिकहरूको हितमा लागू हुन गइरहेका छन्। जसमा कतिपय श्रमिक घातक बूंदाहरू रहेका हुनाले उक्त बूंदाहरूको संशोधन गरिनुपर्ने विषयलाई लिएर गत हप्ता मात्र हामीले भारतको केन्द्रीय श्रममन्त्री मनसुख माडवियलाई भेट गरी लिखित रुपमा बुझाइसकेका छौँं। जसलाई उनले आवश्य कार्यान्वयन गर्नेछन् भन्ने भरोसा रहेको बताए। कतिपय राजनीतिक संगठनहरूले यस विषयमा ठोस पहल नगरेर बिरोध गरिरहेका छन् जो एकदमै गलत कुरा हो। बिरोध र समर्थन भनेको सम्बन्धित ठाउँ र मन्त्रालयमा गर्नुपर्ने हुन्छ जो हामीले केन्द्रीय मन्त्री समक्ष लिखित रुपमा गरीसकेका छौँ। चिया श्रमिकको मुद्दाहरूलाई राजनीतिक मुद्दा बनाउन हुँदैन राजनीतिक मुद्दा बनाउँदा नै आजसम्म चियाबारी श्रमिकहरूले दुःख पाएका हुन्। सांसद राजु बिष्टको प्रयासमा आज चियाबारी क्षेत्रमा विभिन्न कार्यहरू भैरहेको छ। यसभन्दा अगाडिका सांसदहरूले के गरे के गरेनन् प्रत्यक्षमा देख्न सकिएन। तर राजु बिष्टले गरेको हरेक कार्यहरू प्रत्यक्ष देखिरहेको छौँ ।
उहाँले चिया श्रमिकहरूको हरेक मुद्दालाई संसदमा उठाइरहेका छन् , चाहे त्यो निम्नतम रोजीको विषय होस् वा श्रमिकहरूको प्रजा पट्टाको। त्यसैको कारण आज भारत देशले दार्जीलिङ चिया र गोर्खा आदिवासी चिया श्रमिहरूको वास्तविक स्थिति बारेमा जान्न पाइरहेका छन्। त्यसैले हामी चिया श्रमिकको पक्षबाट उनको श्रमिक हितको कार्यको निम्ति उनीप्रति आभार व्यक्त गरे।
